വീടുകയറി ഗുണ്ടാ ആക്രമണം: അഞ്ചുപേര്‍ കീഴടങ്ങി

പള്ളുരുത്തി: വീടുകയറി ആക്രമണം നടത്തിയ കേസിൽ അഞ്ചുപേ൪ കോടതിയിൽ കീഴടങ്ങി. രണ്ടുപേ൪ പൊലീസ് പിടിയിലായി. ചൊവ്വാഴ്ചയാണ് പള്ളുരുത്തി വെളിയിൽ സുനിൽകുമാറിനെയും കുടുംബത്തെയും സംഘം ആക്രമിച്ചത്. മൂന്നു വയസ്സുകാരിയെ അടക്കം മ൪ദിക്കുകയും സുനിൽകുമാറിനെ വടിവാളിന് വെട്ടുകയും ചെയ്തു. ഇടക്കൊച്ചി പാമ്പായി മൂല പാലമറ്റം റോഡിൽ താമസിക്കുന്ന ബിനോയ് (19), ജോമി (22) എന്നിവരെയാണ് പൊലീസ് പിടികൂടിയത്. ഷിജു, പ്രിൻസ്, വിഷ്ണു, ടെറിൻ, നിതിൻ എന്നിവരാണ് കോടതിയിൽ ഹാജരായത്. പ്രതികളെ റിമാൻഡ് ചെയ്തു. കേസിലെ മറ്റു പ്രതികൾ ഒളിവിലാണ്.