Top
Begin typing your search above and press return to search.
exit_to_app
exit_to_app
Homechevron_rightHot Wheelschevron_rightവടക്കേക്കാട്...

വടക്കേക്കാട് എസ്.ഐക്കെതിരെ കോണ്‍ഗ്രസ്

text_fields
bookmark_border
വടക്കേക്കാട് എസ്.ഐക്കെതിരെ കോണ്‍ഗ്രസ്
cancel

അണ്ടത്തോട്: വടക്കേക്കാട് എസ്.ഐക്കെതിരെ കോൺഗ്രസ് പ്രവ൪ത്തകരുടെ പ്രതിഷേധം. പരാതിയുമായി ചെല്ലുന്നവ൪ക്ക് നീതി ലഭിക്കുന്നില്ലെന്നാരോപിച്ച് കെ.പി.സി.സി അംഗം എം.വി. ഹൈദരാലിയുടെ നേതൃത്വത്തിൽ 50 ഓളം കോൺഗ്രസ് പ്രവ൪ത്തക൪ പ്രതിഷേധവുമായി സ്റ്റേഷനിലെത്തി. സ്റ്റേഷനിലേക്ക് മാ൪ച്ച് നടത്താൻ ഒരുങ്ങിയെത്തിയ നേതാക്കളെയും പ്രവ൪ത്തകരെയും ചാവക്കാട് സി.ഐ കെ. സുദ൪ശൻ ഇടപെട്ട് പിന്തിരിപ്പിച്ചു. വീട്ടുമുറ്റത്ത് വെച്ച ബൈക്ക് കാണാതായതിനെക്കുറിച്ച് പരാതിയുമായി ചെന്നവരെ എസ്.ഐ അധിക്ഷേപിച്ചതിനെതിരെയും മ൪ദനത്തിൽ പരിക്കേറ്റതിനെത്തുട൪ന്ന് പരാതി നൽകിയവരെ സ്റ്റേഷനിൽ വെച്ച് പ്രതികൾ അവഹേളിച്ചതിൽ നടപടിയെടുക്കാത്തതിലും പ്രതിഷേധിച്ചാണ് കോൺഗ്രസ് പ്രവ൪ത്തക൪ സ്റ്റേഷനു മുന്നിൽ തടിച്ചുകൂടിയത്.
കഴിഞ്ഞ പത്തിന് രാത്രി വീട്ടുവളപ്പിൽ നി൪ത്തിയിട്ട മന്ദലാംകുന്ന് കാര്യാടത്ത് വീട്ടിൽ ഫാരിസിൻെറ മകൻ ഫയാസിൻെറ ബൈക്കാണ് മോഷണം പോയത്.
പിറ്റേദിവസം രാവിലെ ബൈക്ക് മോഷണം പോയതിന് പിതൃസഹോദരൻ ഷറഫുദ്ദീനുമൊത്ത് സ്റ്റേഷനിലെത്തിയപ്പോൾ പരാതി സ്വീകരിക്കാതെ അന്വേഷിക്കാമെന്ന് പറഞ്ഞു തിരിച്ചയച്ചുവത്രേ.
തുട൪ന്ന് ഇവ൪ വൈകീട്ട് വീണ്ടും ചെന്നാണ് പരാതി നൽകിയത്. ഈ പരാതിയിൽ രസീതി ചോദിച്ചിട്ടും നൽകിയില്ലെന്ന ആക്ഷേപവുമുണ്ട്. തുട൪ന്ന് അകലാട് ഒറ്റയിനി പരിസരത്ത് ഉപേക്ഷിക്കപ്പെട്ട നിലയിൽ കണ്ടെത്തിയ ബൈക്ക് സ്റ്റേഷനിലുണ്ടെന്ന വിവരമറിഞ്ഞ് ചെന്ന ഷറഫുദ്ദീനെയും ഫയാസിനെയും എസ്.ഐ കുറ്റപ്പെടുത്തിയും അധിക്ഷേപിച്ചും വണ്ടി നൽകാതെ തിരിച്ചയച്ചതാണ് കോൺഗ്രസ് പ്രവ൪ത്തക൪ ഇടപെടാൻ കാരണം. അകലാട് ഒറ്റയിനിയിൽ വണ്ടികൊണ്ടിട്ടത് ഫയാസും ഷറഫുദ്ദീനുമാണെന്നും കൂടുതലന്വേഷിച്ചിട്ടെ ബൈക്ക് തിരിച്ച് കൊണ്ടുപോകാനാവൂവെന്നും എസ്.ഐ വാശിപിടിച്ചെന്നാണ് ആരോപണം. എന്നാൽ സ്റ്റേഷൻ ഡ്യൂട്ടിയിലുണ്ടായിരുന്ന അഡീഷനൽ എസ്.ഐ ബൈക്ക് കൊണ്ടുപോകാൻ നി൪ദേശിച്ചത് എസ്.ഐ ഇടപെട്ട് മുടക്കുകയും ചെയ്തു. വണ്ടി കിട്ടിയിട്ടും ദിവസങ്ങൾ താമസിച്ചിട്ടും നൽകാത്ത എസ്.ഐയുടെ നടപടി സേവനാവകാശ നിയമത്തിന് വിരുദ്ധമാണെന്ന് ഹൈദരലി പറഞ്ഞു.
കഴിഞ്ഞ പെരുന്നാളിന് രാത്രി മന്ദലാംകുന്ന് കടപ്പുറത്ത് മീൻ പിടിക്കാനെത്തിയവരെ മ൪ദിച്ച സംഭവത്തിൽ ഒരു മാസമായിട്ടും നടപടിയൊന്നുമില്ല.
വടക്കേക്കാട് എസ്.ഐയുടെ നടപടികൾക്കെതിരെ ഉന്നത പൊലീസ് തലത്തിലും ഭരണതലത്തിലും പരാതിയുമായി സമീപിക്കുമെന്ന് സി.ഐ സുദ൪ശനുമായി നടന്ന ച൪ച്ചക്ക് ശേഷം എം.വി. ഹൈദരലി പറഞ്ഞു. കോൺഗ്രസ് പ്രവ൪ത്തക൪ പിരിഞ്ഞു പോയതിനുശേഷം എസ്.ഐ സജിൻ ശശിയെത്തി ഫയാസിന് ബൈക്ക് നൽകി. പുന്നയൂ൪ സഹകരണബാങ്ക് പ്രസിഡൻറ് പി.എം. സെയ്തലവി, പഞ്ചായത്ത് സ്റ്റാൻഡിങ് കമ്മിറ്റി ചെയ൪മാൻ മൊയ്തീൻ ഷാ പള്ളത്ത്, ഐ.പി. രാജേന്ദ്രൻ, കയ്യാലയിൽ മുഹമ്മദാലി, കെ. അബ്ദുറഹ്മാൻ, പി.എ. ലിയാഖത്തലി ഖാൻ എന്നിവരും ച൪ച്ചയിൽ പങ്കെടുത്തു.

Show Full Article
TAGS:
Next Story