ജനാധിപത്യം ജനങ്ങളുടെ മാത്രം ബാധ്യതയോ?

ജനാധിപത്യത്തിൻെറ പരിരക്ഷയും അതിനോടു പുല൪ത്തേണ്ട സാമാന്യമര്യാദകളും നമ്മുടെ നാട്ടിൽ ജനത്തിൻെറ മാത്രം ബാധ്യതയായിത്തീരുകയാണോ? ജനാധിപത്യത്തിൻെറ നടത്തിപ്പുകാരായ ഭരണകൂടത്തിനോ അതിൻെറ ഔദ്യാഗിക സംവിധാനങ്ങൾക്കോ ജനഹിതം ഏതുവിധേനയും മറികടക്കാമെന്നാണോ? പൗരന്മാരുടെ നിൽക്കക്കള്ളിയാണോ അധികാരസ്ഥാപനങ്ങളുടെ നിലനിൽപാണോ ജനാധിപത്യക്രമത്തിൽ മുഖ്യപരിഗണന അ൪ഹിക്കുന്നത്? ഈ സന്ദേഹങ്ങൾക്കുള്ള ആശങ്കാജനകമായ മറുപടിയാണ് തിങ്കളാഴ്ച കൂടങ്കുളം ആണവനിലയ വിരുദ്ധ പ്രക്ഷോഭത്തിനെതിരായി നടന്ന പൊലീസ് നരനായാട്ട്. കൂടങ്കുളം പദ്ധതിക്കെതിരായി സമ൪പ്പിക്കപ്പെട്ട പൊതുതാൽപര്യ ഹരജികൾ മദ്രാസ് ഹൈകോടതി കഴിഞ്ഞയാഴ്ച തള്ളിയപ്പോൾതന്നെ ജനതാൽപര്യത്തിനെതിരായി ജനാധിപത്യസംവിധാനങ്ങൾ നിലകൊള്ളുന്ന നിരാശാജനകമായ വിരോധാഭാസം ഞങ്ങൾ ചൂണ്ടിക്കാണിച്ചിരുന്നു. എന്നാൽ, അവിടംകൊണ്ടും നി൪ത്താതെ ന്യായമായ ഭയാശങ്കകളുടെ അടിസ്ഥാനത്തിലുള്ള ജനകീയപ്രതിഷേധത്തെ ഏതുവിധേനയും മറികടക്കാനുള്ള ക്ളീൻചിറ്റായി അധികൃത൪ കോടതിവിധിയെ ദുരുപയോഗം ചെയ്യുന്നതാണ് കൂടങ്കുളത്തിനടുത്ത ഇടിന്തകരൈയിലും തൂത്തുക്കുടിയിലുമെല്ലാം കഴിഞ്ഞ ദിവസം കണ്ടത്. ആണവപ്ളാൻറ് പ്രവ൪ത്തനം തുടങ്ങുന്നതിനെതിരെ ഉപരോധസമരം ആരംഭിച്ച ജനങ്ങളെ പൊലീസ് ക്രൂരമായി തല്ലിച്ചതക്കുകയും അവരുടെ അധിവാസകേന്ദ്രങ്ങളും ആരാധനാലയങ്ങളും കൈയേറുകയും പ്രതിഷേധക്കാരെ കടലിലേക്ക് ആട്ടിയോടിക്കുകയും ചെയ്തു. തൂത്തുക്കുടിയിലെ കുലശേഖര പട്ടണത്ത് പൊലീസ് സ്റ്റേഷൻ കൈയേറാൻ ശ്രമിച്ചു എന്നാരോപിച്ചാണ് പൊലീസ് നിരായുധരായ ജനക്കൂട്ടത്തിനു നേരെ വെടിയുതി൪ത്തത്. 48കാരനായ മത്സ്യത്തൊഴിലാളി ജി. ആൻറണി സാമി വെടിയേറ്റു മരിച്ചു. പ്രദേശത്ത് ഇപ്പോഴും യുദ്ധസമാനമായ സാഹചര്യം നിലനിൽക്കുന്നതായാണ് റിപ്പോ൪ട്ടുകൾ.
ഇത് പുതിയ സംഭവമല്ല. കൂടങ്കുളത്തെ ആണവനിലയത്തിനെതിരായി പ്രക്ഷോഭം തുടങ്ങിയത് മുതൽ വിവേകം ജനപക്ഷത്തും അസഹിഷ്ണുതയും അതിവൈകാരികതയും അധികൃതപക്ഷത്തുമാണ് കണ്ടുവരുന്നത്. റഷ്യയുമായി സഹകരിച്ചുള്ള 17,000 കോടിയുടെ ഈ ഊ൪ജപദ്ധതി കേന്ദ്ര-സംസ്ഥാന ഭരണകൂടങ്ങൾ അഭിമാനപ്രശ്നമായെടുക്കുകയും അതിന് ഏതറ്റംവരെയും പോകാൻ തീരുമാനിക്കുകയും ചെയ്തിരിക്കുന്നു. പ്രദേശവാസികൾ ഉയ൪ത്തുന്ന ന്യായമായ ആശങ്കകൾ ദൂരീകരിക്കാനോ അതിനെ ലഘൂകരിക്കാനുതകുന്ന പരിഹാരമാ൪ഗങ്ങൾ മുന്നോട്ടുവെക്കാനോ ഭരണകൂടം ഇതുവരെ തയാറായിട്ടില്ല. ഏതു വിധേനയും പ്ളാൻറിൽ ഉൽപാദനം തുടങ്ങിയേ അടങ്ങൂ എന്ന വാശിയിലാണവ൪. അതിനുവേണ്ടി പ്രതിഷേധത്തെ നി൪വീര്യമാക്കാനുള്ള ചതുരുപായങ്ങളാണ് സ൪ക്കാ൪ തേടുന്നത്. സമരരംഗത്തുള്ളവരെ കായികമായും ധാ൪മികമായും തക൪ക്കുന്ന ആസൂത്രിതമായൊരു ജനവിരുദ്ധ യുദ്ധമുഖം തന്നെ കൂടങ്കുളത്ത് തുറന്നിട്ടുണ്ട്. ജപ്പാനിലെ ഫുകുഷിമ ദുരന്തത്തിൻെറ പശ്ചാത്തലത്തിലാണ് പ്ളാൻറിനെതിരായ സമരം രൂക്ഷത പ്രാപിച്ചത്. ഭോപാൽ വാതകദുരന്തത്തിൽ കുറ്റവാളികളായ വിദേശകമ്പനിയിൽനിന്ന് ഇരകളായ സ്വന്തം നാട്ടുകാ൪ക്ക് അ൪ഹതപ്പെട്ട നഷ്ടപരിഹാരം വാങ്ങാൻ ഇന്ത്യക്ക് കഴിയാതെ വരുക കൂടി ചെയ്തതോടെ വിദേശകമ്പനിക്ക് നഷ്ടപരിഹാര ബാധ്യതകളൊന്നുമില്ലാതെ പ്രവ൪ത്തനസ്വാതന്ത്ര്യം നൽകുന്ന കൂടങ്കുളം പദ്ധതിക്കെതിരായ പ്രതിഷേധം കനത്തു. ഇത്തരം ഭീതിദമായ അനുഭവങ്ങളുടെ വെളിച്ചത്തിൽ ദുരന്തത്തിൻെറ വായിലേക്ക് തങ്ങളെ വെച്ചുകൊടുക്കാൻ സമ്മതിക്കില്ലെന്ന ജനതയുടെ നിശ്ചയദാ൪ഢ്യത്തെ അധികാരത്തിൻെറയും ആയുധത്തിൻെറയും ബലത്തിൽ അടിച്ചമ൪ത്താൻ ഭരണകൂടം ശ്രമിക്കുകയാണ്.
ഹൈകോടതിയുടെ വിധിക്കെതിരായി തമിഴ്നാട്ടിൽനിന്ന് ജി. സുന്ദരരാജൻ എന്നയാൾ സുപ്രീംകോടതിയെ സമീപിച്ചിട്ടുണ്ട്. അനിവാര്യമായ സുരക്ഷാ ഉപാധികളൊന്നും ഉറപ്പുവരുത്താതെ ആണവനിലയം തുറന്നുപ്രവ൪ത്തിക്കാൻ ഹൈകോടതി അനുമതി നൽകിയിരിക്കുകയാണെന്നാണ് അന്യായക്കാരൻെറ പരാതിയിൽ പറയുന്നത്. ആണവോ൪ജ നിയന്ത്രണ ബോ൪ഡ്, ന്യൂക്ളിയ൪ പവ൪ കോ൪പറേഷൻ, പവ൪ പ്ളാൻറ് ഡയറക്ട൪, തമിഴ്നാട് മലിനീകരണ നിയന്ത്രണ ബോ൪ഡ് എന്നിവ൪ക്കെതിരെ സമ൪പ്പിച്ച അന്യായത്തിൽ, സ൪ക്കാറിൻെറതന്നെ വിദഗ്ധ സമിതിയുടെ സുരക്ഷാനി൪ദേശങ്ങൾ കൂടങ്കുളത്ത് പാലിക്കപ്പെട്ടിട്ടില്ലെന്നും നിലവിലെ സ്ഥിതിയിൽ പ്ളാൻറിൻെറ പ്രവ൪ത്തനങ്ങൾ ആരംഭിക്കുന്നത് അതിഗുരുതരമായിരിക്കുമെന്നും ചൂണ്ടിക്കാണിക്കുന്നു. ബദൽ ശുദ്ധജല സംഭരണം, അടിയന്തര പമ്പിങ് ഉപകരണം തുടങ്ങിയ പ്രഥമപ്രധാനമായ അടിസ്ഥാനോപാധികൾപോലും സജ്ജമാക്കാതെയാണ് പ്ളാൻറിന് കോടതി പ്രവ൪ത്തനാനുമതി നൽകിയിരിക്കുന്നത്. അപകടഘട്ടത്തിൽ നി൪ദിഷ്ട റഷ്യൻ ആണവറിയാക്ട൪ വിതരണസ്ഥാപനത്തെ പൂ൪ണമായും കുറ്റമുക്തമാക്കുന്ന ഉപാധിയും മാറ്റാൻ കേന്ദ്ര ഗവൺമെൻറിനു സാധിച്ചിട്ടില്ല. ഇങ്ങനെ ആണവനിലയത്തെക്കുറിച്ച് തുടക്കം മുതൽ ഉന്നയിക്കപ്പെടുന്ന ആശങ്കകൾ ദൂരീകരിക്കാനുള്ള ശ്രമമൊന്നും നടത്താതെയാണ് പ്ളാൻറ് ബലപ്രയോഗത്തിലൂടെയെങ്കിലും തുറന്നുപ്രവ൪ത്തിപ്പിക്കാൻ സ൪ക്കാ൪ തയാറെടുക്കുന്നത്. സുപ്രീംകോടതി ഈ ഹരജി എപ്പോൾ പരിഗണിക്കുമെന്നോ, കോടതിവിധി ജനങ്ങൾക്കോ ഗവൺമെൻറിനോ അനുകൂലമാകുക എന്നോ ഇപ്പോൾ പറയാനാവില്ല. എന്നാൽ, നീതിപീഠത്തിൻെറ താഴെ തലം മുതൽ ബോധിപ്പിച്ചുവരുന്ന ആവലാതിയാണ് ജനങ്ങളുടെ സുരക്ഷക്കു വേണ്ട ഉപാധികൾ പൂ൪ത്തീകരിക്കപ്പെട്ടിട്ടില്ല എന്നത്. അതിനു നേരെ ഇന്നോളം ചെവികൊടുക്കാൻ തയാറായില്ല എന്നല്ല, അത്തരം ആശങ്കകളെ പരിഹസിക്കുന്ന വിധത്തിലാണ് ഭരണകൂടത്തിൻെറ വക്താക്കൾ പെരുമാറുന്നതും ജുഡീഷ്യറിയുടെ ഭാഗത്തുനിന്നുണ്ടാകുന്ന തീ൪പ്പുകളുമൊക്കെ.
ലോകം ജനാധിപത്യത്തിലേക്കു കൂടുതൽ ഉള്ളുതുറക്കുന്ന ഇക്കാലത്ത്, കിട്ടിയ അധികാരത്തിൻെറ നിലനിൽപുമാത്രം ലാക്കാക്കി ജനാധിപത്യത്തെ കരുതൽതടവിൽ വെക്കുന്ന മനോഭാവമാണ് ഇന്ത്യയിൽ പൊതുവെ കണ്ടുവരുന്നത്. ആവിഷ്കാരത്തിനും പ്രതിഷേധത്തിനും മാധ്യമപ്രവ൪ത്തനത്തിനും എന്നുവേണ്ട പുത്തൻ സാങ്കേതികവിദ്യയുടെ ഉപയോഗത്തിനുപോലുമുള്ള സ്വാതന്ത്ര്യത്തെ ഭയക്കുകയും എന്തിനും ഏതിനും നിയന്ത്രണത്തിൻെറയും നിരോധത്തിൻെറയും കൂച്ചുവിലങ്ങിടുകയും ചെയ്യുന്ന അധീശാധിപത്യസംവിധാനമായി ഇന്ത്യയിൽ ജനാധിപത്യത്തിൻെറ നടത്തിപ്പുകേന്ദ്രങ്ങൾ മാറിക്കൊണ്ടിരിക്കുകയാണ്. അടുത്തകാലത്തായി ജനകീയപ്രക്ഷോഭങ്ങൾക്കെതിരായി നടന്നുവരുന്ന അടിച്ചമ൪ത്തലുകളെ അതിൻെറ ഭാഗമായി കാണണം. അധികാരത്തിൻെറ തിണ്ണബലത്തിൽ ജനവികാരങ്ങൾക്കു മേൽ ആധിപത്യം പുല൪ത്താമെന്ന വ്യാമോഹങ്ങൾ കടപുഴക്കിയെറിയപ്പെടുന്ന കാലത്ത് സ്വന്തം ജനതക്കെതിരായ ഈ പടപ്പുറപ്പാട് സഹതാപാ൪ഹമാണ്. ജീവിക്കാനുള്ള അവകാശത്തിനുവേണ്ടി ശബ്ദമുയ൪ത്തുന്നവരെ ജനവിരുദ്ധ ധാ൪ഷ്ട്യത്തിൻെറ തുരുമ്പെടുത്ത തുപ്പാക്കിയുമായി നേരിടുന്നവ൪, ഏതു ജനാധിപത്യത്തെയാണ് തങ്ങൾ സംരക്ഷിക്കുന്നത് എന്ന് വിശദമാക്കിയാൽ കൊള്ളാം.