കെ.എസ്.ആര്‍.ടി.സി സര്‍വീസ് ചുരുക്കി; യാത്രക്കാര്‍ ദുരിതത്തിലായി

ഉദുമ: ദേശസാത്കൃത റൂട്ടിൽ കെ.എസ്.ആ൪.ടി.സി സ൪വീസ് വെട്ടിച്ചുരുക്കിയതിനാൽ യാത്രക്കാ൪ ദുരിതത്തിലായി. ദേളി, പെരുമ്പളക്കടവ് ഭാഗങ്ങളിലേക്ക് രാവിലെയുള്ള സ൪വീസുകളാണ് വ്യാഴാഴ്ച വെട്ടിക്കുറച്ചത്.
ബസ് സ൪വീസ് ഇല്ലാത്തതിനാൽ നിരവധി വിദ്യാ൪ഥികളും യാത്രക്കാരും വലഞ്ഞു. കോളിയടുക്കം-പെരുമ്പളക്കടവ് വഴിയുള്ള രാവിലത്തെ ഏക സ൪വീസ് നടത്താത്തതിനാൽ വിദ്യാ൪ഥികളും മറ്റു യാത്രക്കാരും കിലോമീറ്ററുകൾ നടക്കേണ്ടിവന്നു.
കോളിയടുക്കം-ദേളി റൂട്ടിൽ എട്ടുമുതൽ 10 വരെയുള്ള സമയങ്ങളിൽ ഓടുന്ന ബസുകളിൽ വൻ തിരക്കാണ് അനുഭവപ്പെടാറ്. ഈ റൂട്ടിലോടുന്ന രണ്ട് സ൪വീസുകൾ വെട്ടിച്ചുരുക്കിയതും യാത്രക്കാരെ സാരമായി ബാധിച്ചു. ദേശസാത്കൃത റൂട്ടിൽ കെ.എസ്.ആ൪.ടി.സി മാത്രം ആശ്രയിക്കുന്ന യാത്രക്കാരെ വലക്കുന്ന നടപടിയാണ് കഴിഞ്ഞ ഒരുമാസക്കാലമായി കെ.എസ്.ആ൪.ടി.സി സ്വീകരിക്കുന്നതെന്നും ബസ് സ൪വീസുകൾ വെട്ടിച്ചുരുക്കി യാത്രക്കാരെ ബുദ്ധിമുട്ടിക്കുന്ന നിലപാട് ഇനിയും ആവ൪ത്തിക്കരുതെന്നും യാത്രക്കാ൪ പറഞ്ഞു.