ജയം; ഒന്നാം നമ്പറില്‍ ഇംഗ്ളണ്ട്

ഓവൽ: രണ്ടാം ഏകദിനത്തിൽ ദക്ഷിണാഫ്രിക്കയെ നാല് വിക്കറ്റിന് കീഴടക്കി ഇംഗ്ളണ്ട് റാങ്കിങ്ങിൽ വീണ്ടും ഒന്നാം നമ്പറിൽ. ടെസ്റ്റ് സ്ഥാനം നഷ്ടമായതിനു പിന്നാലെയാണ് ആശ്വാസമായി ഏകദിന റാങ്കിങ് തിരിച്ചുപിടിക്കുന്നത്. ആദ്യം ബാറ്റ് ചെയ്ത ദക്ഷിണാഫ്രിക്ക 46.4 ഓവറിൽ 211 ന് പുറത്തായപ്പോൾ മറുപടി ബാറ്റിങ്ങിനിറങ്ങിയ ഇംഗ്ളണ്ട് ഇയോൺ മോ൪ഗന്റെ വെടിക്കെട്ട് ബാറ്റിങ് മികവിൽ (67 പന്തിൽ 73) നാലു വിക്കറ്റ് വിജയം സ്വന്തമാക്കുകയായിരുന്നു. അഞ്ച് മത്സരങ്ങളടങ്ങിയ പരമ്പരയിൽ ഇതോടെ ഇരുവരും 1-1ന് ഒപ്പമെത്തി. 71 റൺസുമായി ജൊനാതൻ ട്രോട്ട് ഇംഗ്ളീഷ് വിജയത്തിൽ നി൪ണായക പങ്കുവഹിച്ചു.