ഷാര്‍ജയില്‍ ഫര്‍ണിച്ചര്‍ കട കത്തി നശിച്ചു

ഷാ൪ജ: അൽ ബുത്തീനയിൽ കഴിഞ്ഞ ദിവസമുണ്ടായ അഗ്നിബാധയിൽ ഫ൪ണിച്ച൪ കട പൂ൪ണമായി കത്തി നശിച്ചു. പുല൪ച്ചെയായിരുന്നു അപകടം.
ദൃക്സാക്ഷികൾ അറിയിച്ചതിനെ തുട൪ന്ന് സ്ഥലത്തെത്തിയ സിവിൽ ഡിഫൻസ് ഉടൻ തീ അണച്ചതിനാൽ മറ്റിടങ്ങളിലേക്ക് പട൪ന്നില്ല. നിരവധി സ്ഥാപനങ്ങളും വാഹനങ്ങളും ഈ ഭാഗത്തുണ്ടായിരുന്നു. കൂടുതലും മലയാളികളുടെ സ്ഥാപനങ്ങളാണ് ഇവിടെയുള്ളത്. വൻ അപകടം ഒഴിവായതിൻെറ ആശ്വാസത്തിലാണ് ഇവ൪.
അപകട വിവരം അറിഞ്ഞ ഉടൻ ഈ കെട്ടിടത്തിൽ താമസിക്കുന്നവരും തൊട്ടടുത്ത കെട്ടിടങ്ങളിൽ താമസിക്കുന്നവരും പുറത്തിറങ്ങി. മുമ്പ് ഈ ഭാഗത്ത് സ്ഥിതി ചെയ്യുന്ന കുവൈത്തി ടവ൪ കത്തിയത് കാരണം നിരവധി പേ൪ക്ക് വൻ നാശനഷ്ടം നേരിട്ടിരുന്നു.