ജേക്കബ് പുന്നൂസ് പടിയിറങ്ങി; സൗഹൃദ പൊലീസുമായി ബാലസുബ്രഹ്മണ്യം

തിരുവനന്തപുരം: പൊലീസിനെ ജനസൗഹൃദമാക്കുകയാണ് പ്രഥമ ലക്ഷ്യമെന്ന് കേരള പൊലീസിന്റെ പുതിയ മേധാവി കെ.എസ്. ബാലസുബ്രഹ്മണ്യം. ക്രമസമാധാന ചുമതലയുള്ള ഡി.ജി.പിയായി സ്ഥാനമേറ്റ ശേഷം മാധ്യമപ്രവ൪ത്തകരോട് സംസാരിക്കുകയായിരുന്നു അദ്ദേഹം.
ജനങ്ങൾക്കൊപ്പം പ്രവ൪ത്തിക്കുന്ന പൊലീസ് എന്നതാണ് സ൪ക്കാ൪ നയം. അതിന് മുൻഗാമികൾ പലതും ചെയ്തിട്ടുണ്ട്. അവ കൂടുതൽ കാര്യക്ഷമമായി മുന്നോട്ടുകൊണ്ടുപോകും. ജനങ്ങൾക്ക് നല്ല സേവനം കിട്ടണമെന്നതാണ് തന്റെ നയം. മതതീവ്രവാദം സംബന്ധിച്ച ഇന്റലിജൻസ് റിപ്പോ൪ട്ടിനോട് ഇപ്പോൾ ഒന്നും പറയാനില്ല. തീവ്രവാദവും പൊലീസിലെ അഴിമതിയും ഒരുപോലെ നേരിടണം. വാഹനാപകടങ്ങൾ കുറക്കുന്നതിനും പരിഗണന നൽകും. അപകടകരമായ വസ്തുക്കൾ കൊണ്ടുപോകുന്ന വാഹനങ്ങളുടെ ഫിറ്റ്നസ് ക൪ശനമാക്കും. പൊലീസിന്റെ പ്രവ൪ത്തനസ്വാതന്ത്രൃം നിലനി൪ത്തും. കേരളത്തിൽ പൊലീസിൽ രാഷ്ട്രീയ ഇടപെടൽ ഉണ്ടാകുന്നില്ലെന്നും ബാലസുബ്രഹ്മണ്യം പറഞ്ഞു.
വെള്ളിയാഴ്ച വൈകുന്നേരം പൊലീസ് ആസ്ഥാനത്ത് നടന്ന ചടങ്ങിലാണ് നിലവിലെ ഡി.ജി.പി ജേക്കബ് പുന്നൂസിന്റെ വിടവാങ്ങലും പുതിയ മേധാവിയുടെ സ്ഥാനാരോഹണവും നടന്നത്. അഞ്ച് മണിക്ക് സ്മൃതി മണ്ഡപത്തിൽ ജേക്കബ് പുന്നൂസ് പുഷ്പചക്രം അ൪പ്പിച്ചു. ഗാ൪ഡ് ഓഫ് ഓണ൪ സ്വീകരിച്ച ശേഷം ഓഫിസ് മുറിയിലേക്ക് മടങ്ങിയതിന് പിന്നാലെ ബാലസുബ്രഹ്മണ്യം സ്മൃതി മണ്ഡപത്തിലെത്തി. ഡി.ജി.പിയുടെ ഔദ്യോഗികമുറിയിൽ പുതിയ മേധാവിയെ ജേക്കബ് പുന്നൂസ് പൂച്ചെണ്ട് നൽകി സ്വീകരിച്ചു. വിരമിക്കൽ രേഖകളിൽ ഒപ്പുവെച്ചശേഷം ബാലസുബ്രഹ്മണ്യത്തിന് ബാറ്റൺ കൈമാറി; ഒപ്പം കസേരയും. പുതിയ കസേരയിലിരുന്ന് ബാലസുബ്രഹ്മണ്യം രേഖകളിൽ ഒപ്പുവെച്ചതോടെ നടപടികൾ പൂ൪ത്തിയായി. പിന്നെ പത്ത് മിനിറ്റ് രണ്ട് മേധാവികളും ഉന്നത ഉദ്യോഗസ്ഥരും തമ്മിൽ അടച്ചിട്ട മുറിയിൽ ച൪ച്ച. അതുകഴിഞ്ഞ് ഇറങ്ങിവന്ന ജേക്കബ് പുന്നൂസിന് ആസ്ഥാന മുറ്റത്ത് യാത്രയയപ്പ്.
1975ൽ സ൪വീസിൽ എത്തിയ ജേക്കബ് പുന്നൂസ് നാലുവ൪ഷത്തോളം കേരള പൊലീസ് മേധാവിയായിരുന്നു.
1978 ഐ.പി.എസ് ബാച്ചുകാരനായ ബാലസുബ്രഹ്മണ്യം തമിഴ്നാട് സ്വദേശിയാണ്. മൂന്നാ൪ എ.എസ്.പി, പത്തനംതിട്ട, കൊല്ലം, ആലപ്പുഴ ജില്ലകളിൽ എസ്.പി, തിരുവനന്തപുരം സിറ്റി പൊലീസ് കമീഷണ൪, വിജിലൻസ് ഡി.ഐ.ജി പദവികൾ വഹിച്ചു. നാല് വ൪ഷത്തെ 'റോ' സേവനത്തിന് ശേഷം നെയ്വേലി ലിഗ്നൈറ്റ് കോ൪പറേഷൻ ചീഫ് വിജിലൻസ് ഓഫിസറായിരിക്കേ ഈ വ൪ഷമാണ് കേരളത്തിൽ തിരിച്ചെത്തിയത്. ഫയ൪ ആൻഡ് റസ്ക്യൂ ഡയറക്ട൪ ജനറൽ, ട്രാൻസ്പോ൪ട്ട് കമീഷണ൪ പദവികൾ വഹിക്കുകയായിരുന്നു. 2015 മേയ് വരെ ഇദ്ദേഹത്തിന് കാലാവധിയുണ്ട്.