ഗസ്സയില്‍ ഇസ്രായേല്‍ ആക്രമണം

ഗസ്സ: ഗസ്സയിൽ ഇസ്രായേൽ സൈന്യം ആക്രമണം നടത്തി. നഗരത്തിന്റെ വടക്കുപടിഞ്ഞാറ് ഫലസ്തീൻ പോരാളി സംഘടനയായ ഹമാസിന്റെ ക്യാമ്പുകൾക്കു നേരെയാണ് ആക്രമണമുണ്ടായത്. ആളപായമുണ്ടായതായി റിപ്പോ൪ട്ടില്ല. ഗസ്സയുടെ വടക്കുപടിഞ്ഞാറ് ഹമാസിന്റെ സായുധവിഭാഗത്തിന്റെ ക്യാമ്പിനു നേരെ ഇസ്രായേൽ ഹെലികോപ്ടറുകളാണ് മിസൈലുകൾ തൊടുത്തുവിട്ടതായി ദൃക്സാക്ഷികൾ വെളിപ്പെടുത്തിയത്. ആക്രമണം നടത്തിയ കാര്യം ഇസ്രായേൽ സ്ഥിരീകരിച്ചു. ആയുധനി൪മാണ ശാലയിലും ആയുധം സൂക്ഷിക്കുന്ന കേന്ദ്രത്തിലുമാണ് ആക്രമണം നടത്തിയതെന്ന് അവ൪ സ്ഥിരീകരിച്ചു.
ജൂണിൽ ഇസ്രായേൽ സൈന്യം നടത്തിയ ആക്രമണത്തിൽ 15 ഫലസ്തീനികൾ കൊല്ലപ്പെട്ടിരുന്നു.