കായംകുളം ജലോത്സവം: ജവഹര് തായങ്കരിക്ക് കിരീടം
text_fieldsകായംകുളം: മൂന്നാമത് കായംകുളം ജലോത്സവത്തിൽ ജവഹ൪ തായങ്കരിക്ക് വിജയകിരീടം. അഡ്വ. ഖുശിഭാസ്ക൪ സ്മാരക ബോട്ട് ക്ളബിൻെറ എസ്. പവനനാഥൻ നയിച്ച ജവഹ൪ തായങ്കരി ഉമ്മാശേരി മാധവൻ ബോട്ട് ക്ളബിൻെറ ചെറുതനയെയും കന്നേറ്റി വിക്ടറി ബോട്ട് ക്ളബിൻെറ ദേവസിനെയും വള്ളപ്പാടിന് പിന്തള്ളിയാണ് ഒന്നാം സ്ഥാനത്തേക്ക് കുതിച്ചത്. ഒമ്പത് ചുണ്ടൻ വള്ളങ്ങളാണ് മത്സരത്തിൽ അണിനിരന്നത്. ചുണ്ടൻ വള്ളങ്ങളുടെ ലൂസേഴ്സ് ഫൈനലിൽ കായംകുളം എൻ.ആ൪.ഐ ബോട്ട് ക്ളബിൻെറ ആയാപറമ്പ് പാണ്ടി ഒന്നാമതും കീരിക്കാട് ബോട്ട് ക്ളബിൻെറ ആനാരിചുണ്ടൻ രണ്ടാമതും കായംകുളം ടൗൺ ബോട്ട് ക്ളബിൻെറ കാരിച്ചാൽ മൂന്നാമതും തുഴഞ്ഞെത്തി. ചുണ്ടൻ സെക്കൻഡ് ലൂസേഴ്സ് ഫൈനലിൽ പായിപ്പാട് ബോട്ട് ക്ളബിൻെറ പായിപ്പാട്, കെ. കരുണാകരൻ ബോട്ട് ക്ളബിൻെറ ചമ്പക്കുളം, ചങ്ങംകരി ജെ.സി.ബി.സിയുടെ ആയാപറമ്പ് വലിയദിവാൻജി എന്നിവ യഥാക്രമം ഒന്ന്, രണ്ട് മൂന്ന് സ്ഥാനങ്ങൾ നേടി. തെക്കനോടി വനിതാ വള്ളങ്ങളുടെ മത്സരത്തിൽ സാധു യുവജന ബോട്ട് ക്ളബിൻെറ രജിത ഷാജി ക്യാപ്റ്റനായ ചെല്ലിക്കാടൻ ഒന്നാം സ്ഥാനം നേടി. വേമ്പനാട് വനിതാ ബോട്ട് ക്ളബിൻെറ കമ്പനി വള്ളം രണ്ടാം സ്ഥാനവും നീ൪ക്കുന്നം വനിതാ ബോട്ട് ക്ളബിൻെറ കാട്ടിൽതെക്ക് മൂന്നാം സ്ഥാനവും നേടി.
ഇരുട്ടുകുത്തി എ ഗ്രേഡിൽ കുട്ടനാട് ബോട്ട് ക്ളബിൻെറ ബിനോയി മാത്യു നയിച്ച തുരുത്തിതറ ഒന്നാം സ്ഥാനവും ചേന്നംങ്കരി ലൂ൪ദുമാതാ ബോട്ട് ക്ളബിൻെറ മൂന്നുതൈക്കൽ രണ്ടാം സ്ഥാനവും അംബേദ്ക൪ ബോട്ട് ക്ളബിൻെറ പടക്കുതിര മൂന്നാം സ്ഥാനവും നേടി. വെപ്പ് എ ഗ്രേഡിൽ കരുനാഗപ്പള്ളിയുടെ സരിത് ക്യാപ്റ്റനായ അമ്പലക്കടവൻ ഒന്നാമതെത്തി. ചെങ്ങന്നൂ൪ ടൗൺ ബോട്ട് ക്ളബിൻെറ ആശാ പുളിക്കക്കളം രണ്ടാമതും ഏവൂ൪ ബി.ബി.സിയുടെ ജയ്ഷോട്ട് മൂന്നാമതും എത്തി. ബി ഗ്രേഡിൽ കരിനെല്ലൂ൪ അംബേദ്ക൪ ബോട്ട് ക്ളബിൻെറ അനിൽ ക്യാപ്റ്റനായ പുന്നത്രപുരക്കൽ ഒന്നാമാതും തലവടി യുവദ൪ശന സാംസ്കാരിക വേദിയുടെ ഒറ്റതൈക്കൽ രണ്ടാമതും എത്തി.
ആറന്മുള പള്ളിയോടങ്ങളുടെ പ്രദ൪ശന മത്സരവും ജലഘോഷയാത്രയും കാണികളിൽ വിസ്മയം പക൪ന്നു. മംഗലം, വൺമഴി, മുതലവഴി, കൊടിയേറ്റുകര എന്നീ പള്ളിയോടങ്ങളാണ് പ്രദ൪ശനത്തിൽ അണിനിരന്നത്. ഡ്രാഗൺ ബോട്ടുകളുടെ പ്രദ൪ശന മത്സരവും വാട്ട൪ സ്കേറ്റിങ്ങും ജലയോഗ പ്രദ൪ശനവും മത്സര ഇടവേളകളിൽ അരങ്ങേറി. മത്സരം കെ.പി.സി.സി പ്രസിഡൻറ് രമേശ് ചെന്നിത്തല എം.എൽ.എ ഉദ്ഘാടനം ചെയ്തു. സി.കെ. സദാശിവൻ എം.എൽ.എ അധ്യക്ഷത വഹിച്ചു. ആ൪. രാജേഷ് എം.എൽ.എ സമ്മാന വിതരണവും കേന്ദ്ര സഹമന്ത്രി കെ.സി. വേണുഗോപാൽ സുവനീ൪ പ്രകാശനവും നി൪വഹിച്ചു. കോവൂ൪ കുഞ്ഞുമോൻ എം.എൽ.എ, കലക്ട൪ പി. വേണുഗോപാൽ, നഗരസഭാ ചെയ൪പേഴ്സൺ അമ്പിളി സുരേഷ് ഡി.ടി.പി.സി സെക്രട്ടറി സി. പ്രദീപ് എന്നിവ൪ സംസാരിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.