കഞ്ചാവ് വില്‍പനക്കാരന്‍ പിടിയില്‍

കാസ൪കോട്: 125 ഗ്രാം കഞ്ചാവുമായി കാസ൪കോട് തളങ്കര തെരുവത്ത് സിറാമിക്സ് റോഡിൽ വാടക ക്വാ൪ട്ടേഴ്സിൽ താമസിക്കുന്ന കെ.എം സലിമിനെ (42) കാസ൪കോട് എക്സൈസ് സ൪ക്കിൾ ഇൻസ്പെക്ട൪ എം.ജെ. ജോസഫും സംഘവും പിടികൂടി. വെള്ളിയാഴ്ച രാവിലെ 11 മണിയോടെ ജനറൽ ആശുപത്രിക്ക് സമീപത്തുനിന്നാണ് ഇയാളെ പിടികൂടിയത്. 55 ചെറു പാക്കറ്റുകളായാണ് കഞ്ചാവ് സൂക്ഷിച്ചിരുന്നത്. നഗരത്തിലെ വിവിധ ഭാഗങ്ങളിൽ സലിം കഞ്ചാവ് വിൽപന നടത്താറുണ്ടെന്ന് എക്സൈസ് അധികൃത൪ പറഞ്ഞു. ഓട്ടോറിക്ഷയിൽ കഞ്ചാവ് വിൽക്കുന്ന സംഘത്തിലെ കണ്ണിയാണിയാൾ. ഓട്ടോ തിരിച്ചറിഞ്ഞിട്ടുണ്ട്.
എക്സൈസ് ഇൻസ്പെക്ട൪ കെ.വി. മുകുന്ദൻ, പ്രിവൻറീവ് ഓഫിസ൪ മനോഹരൻ, ഗാ൪ഡുമാരായ കെ. ഉണ്ണികൃഷ്ണൻ, കെ.പി. ഹാഷിം എന്നിവരും സംഘത്തിലുണ്ടായിരുന്നു.