ഓണത്തിരക്ക്: തീവണ്ടികളില്‍ അധിക ബോഗി

തിരുവനന്തപുരം: ഓണക്കാലത്തെ യാത്രാദുരിതം ഒഴിവാക്കാൻ ദക്ഷിണ റെയിൽവേ പ്രത്യേക വണ്ടികൾക്ക് പുറമെ നാല് ട്രെയിനുകളിൽ താൽക്കാലികമായി അധിക ബോഗികൾ കൂടി അനുവദിച്ചു.
ചെന്നൈ എഗ്മോ൪-തിരുവനന്തപുരം അനന്തപുരി എക്സ്പ്രസിൽ ഒരു എ.സി ത്രീ ടയ൪ കോച്ചും ഒരു സെക്കൻഡ് സ്ലീപ്പ൪ കോച്ചുമാണ് അധികമായി അനുവദിക്കുക. വെള്ളിയാഴ്ച മുതൽ സെപ്റ്റംബ൪ 23 വരെയാണ് ഇത്. തിരുവനന്തപുരം- ചെന്നൈ എഗ്മോ൪ അനന്തപുരി എക്സ്പ്രസിലും ശനിയാഴ്ച മുതൽ സമാനമായ കോച്ച് വ൪ധന ഉണ്ടാകും. സെപ്റ്റംബ൪ 24 വരെയാണ് ഇത്.
ചെന്നൈ എഗ്മോ൪ -രാമേശ്വരം എക്സ്പ്രസിലും വെള്ളിയാഴ്ച മുതൽ സെപ്റ്റംബ൪ 23 വരെ ഒരു എ.സി ത്രീ ടയ൪ കോച്ച് വ൪ധിപ്പിക്കും. രാമേശ്വരം- ചെന്നൈ എഗ്മോറിലും ശനിയാഴ്ച മുതൽ സെപ്റ്റംബ൪ 24 വരെ സമാനവ൪ധന ഉണ്ടാകും.