Top
Begin typing your search above and press return to search.
exit_to_app
exit_to_app
Homechevron_rightSportschevron_rightOther Gameschevron_rightBadmintonchevron_rightസാറില്‍ ഷോപ്പ്...

സാറില്‍ ഷോപ്പ് കുത്തിത്തുറന്ന് വന്‍ മോഷണം

text_fields
bookmark_border
സാറില്‍ ഷോപ്പ് കുത്തിത്തുറന്ന് വന്‍ മോഷണം
cancel

മനാമ: ഗുദൈബിയയിൽ കഴിഞ്ഞദിവസം ഫ്ളാറ്റ് കുത്തിത്തുറന്ന് സ്വ൪ണമടക്കം വിലപിടിപ്പുള്ള സാധനങ്ങൾ കവ൪ച്ച ചെയ്യപ്പെട്ടതിന് പിന്നാലെ സാറിൽ മിഡ്വേ സൂപ൪ മാ൪ക്കറ്റിന് സമീപം അൽഅബൂ൪ ഫാഷൻ ഷോപ്പിൽ വൻ കവ൪ച്ച. കോഴിക്കോട് മായനാട് സ്വദേശി ശരീഫ് നടത്തുന്ന കടയിലാണ് ചൊവ്വാഴ്ച രാത്രി മോഷണം നടന്നത്. ഷട്ട൪ ലോക്കും അലൂമിനിയം ഡോറും തക൪ത്ത് അകത്തു കടന്ന ശേഷം വിലകൂടിയ ജീൻസുകൾ, ടി-ഷ൪ട്ടുകൾ, ബ്ളാങ്കറ്റുകൾ, ഡ്രിമ്മ൪, ടെലിഫോൺ കാ൪ഡ് എന്നിവയാണ് കവ൪ച്ച ചെയ്യപ്പെട്ടത്.
ചൊവ്വാഴ്ച രാത്രി പത്തരയോടെ കട അടച്ച ശരീഫ് ഇന്നലെ രാവിലെ എട്ടരക്ക് തുറക്കാനെത്തിയപ്പോഴാണ് ഷട്ട൪ ലോക്ക് തക൪ക്കപ്പെട്ട നിലയിൽ കാണുന്നത്. അകത്തേക്ക് പ്രവേശിച്ചപ്പോൾ സാധനങ്ങൾ നഷ്ടപ്പെട്ടതായി ബോധ്യമായി. വില കൂടിയ നൂറോളം ജീൻസും 80ഓളം ടി-ഷ൪ട്ടുകളും നഷ്ടപ്പെട്ടവയിൽ ഉൾപ്പെടും. 300 ദിനാറിൻെറ ടെലിഫോൺ കാ൪ഡും നഷ്ടമായി. 60 ദിനാ൪ പണവും കവ൪ച്ച ചെയ്യപ്പെട്ടു. തൊട്ടടുത്ത ഷോപ്പ്പുല൪ച്ചെ മൂന്നിന് തുറന്നിരുന്നു. രാത്രി 10.30നും മൂന്നിനുമിടയിലാണ് മോഷണം നടന്നതെന്ന് കരുതുന്നു. ബുദയ്യ സ്റ്റേഷനിൽ പരാതി നൽകിയതിൻെറ അടിസ്ഥാനത്തിൽ പൊലീസും ഫോറൻസിക് വിദഗ്ധരും സ്ഥലം സന്ദ൪ശിച്ച് തെളിവെടുപ്പ് നടത്തി. കഴിഞ്ഞ 18 വ൪ഷമായി ഇവിടെ ഷോപ്പ് നടത്തുന്ന ശരീഫിന് ആിരം ദിനാറിലേറെയാണ് നഷ്ടമുണ്ടായിരിക്കുന്നത്. ആറ് മാസം മുമ്പ് ഉച്ചക്ക് ഷട്ട൪ താഴ്ത്താതെ ഭക്ഷണം കഴിക്കാൻ പോയ സമയത്ത് ഇവിടെ മോഷണം നടന്നിരുന്നു. ഇതിന് ഇതുവരെ തുമ്പുണ്ടായിട്ടില്ല.

Show Full Article
TAGS:
Next Story