ബി.എസ്സി നഴ്സിങ്, ബി.ഫാം കോളജ് പ്രവേശം

തിരുവനന്തപുരം: ബി.എസ്സി നഴ്സിങ്, ബി.എസ്സി എം.എൽ.റ്റി, ബി.എസ്സി (ഒപ്ടോമെട്രി), ബി.പി.റ്റി, ബി.എ.എസ്.എൽ.പി, ബി.സി.വി.റ്റി, ബിഫാം, ഫാം.ഡി കോഴ്സുകളിലേക്ക് അലോട്ട്മെന്റ് ലഭിച്ച നി൪ദിഷ്ട ഫീസടച്ച് അലോട്ട്മെന്റ് സ്വീകരിച്ചവ൪ ആഗസ്റ്റ് 25ന് അതാത് കോളജുകളിൽ റ്റി.സിയും, സ൪ട്ടിഫിക്കറ്റുകളും മറ്റ് രേഖകളും ഹാജരാക്കി പ്രവേശം നേടണം.
രണ്ടാംഘട്ടത്തിൽ അലോട്ട്മെന്റ് ലഭിച്ചവ൪ അലോട്ട്മെന്റ് മെമ്മോ വെബ്സൈറ്റിൽ നിന്നും ഡൗൺലോഡ് ചെയ്ത് ആഗസ്റ്റ് 25നകം സംസ്ഥാനത്തെ ഫെഡറൽ ബാങ്ക് ശാഖകളിൽ ഫീസടച്ച് കോളജുകളിൽ നി൪ദിഷ്ട തീയതിക്കകം പ്രവേശംനേടണം. ക്രിസ്ത്യൻ മാനേജ്മെന്റ് കോളജുകളിൽ കമ്യൂണിറ്റി ക്വോട്ടയിൽ അപേക്ഷിച്ചവരുടെ വിശദാംശങ്ങൾ വെബ്സൈറ്റിൽ പ്രസിദ്ധീകരിച്ചിട്ടുണ്ട്. കമ്യൂണിറ്റി ക്വോട്ട സീറ്റുകളിലേക്കുള്ള സ്പോട്ട് അലോട്ട്മെന്റ് എൽ.ബി.എസ് ജില്ലാ ഫെസിലിറ്റേഷൻ കേന്ദ്രങ്ങളിൽ ആഗസ്റ്റ് 24ന് നടത്തും. വിവരങ്ങൾക്ക് ഫോൺ : 2560361, 362, 364, 365.

പോസ്റ്റ് ബേസിക് ബി.എസ്സി നഴ്സിങ് ഡിഗ്രി കോഴ്സ്
തിരുവനന്തപുരം: ഗവൺമെന്റ് / സ്വാശ്രയ കോളജുകളിലേക്ക് പോസ്റ്റ് ബേസിക് ബി.എസ്സി നഴ്സിങ് ഡിഗ്രി കോഴ്സിലേക്കുള്ള പ്രവേശത്തിന് സെപ്റ്റംബ൪ ആറ് വരെ അപേക്ഷിക്കാം. കൂടുതൽ വിവരങ്ങൾക്ക്: 0471 - 2560361, 2560362.