ഡോക്ടറെ മര്‍ദിച്ച സംഭവം: സര്‍ക്കാര്‍ ഡോക്ടര്‍മാര്‍ 23 ന് പണിമുടക്കും

ചെറുതോണി: രാജകുമാരി സ൪ക്കാ൪ ആശുപത്രി ആക്രമിക്കുകയും ഡോക്ടറെ മ൪ദിക്കുകയും ചെയ്ത സംഭവത്തിൽ പ്രതികളെ അറസ്റ്റ് ചെയ്യാത്തതിൽ പ്രതിഷേധിച്ച് 23 ന് ജില്ലയിലെ സ൪ക്കാ൪ ഡോക്ട൪മാ൪ ഒ.പി ബഹിഷ്കരിച്ച് പണിമുടക്കും.
കഴിഞ്ഞ 13 ന് അപകടത്തിൽപെട്ട് രാജകുമാരി ആശുപത്രിയിലെത്തിയ കുട്ടി മരിച്ചതിനെത്തുട൪ന്ന് ഡോക്ടറെ ഒരുവിഭാഗം ആളുകൾ കൈയേറ്റം ചെയ്യുകയായിരുന്നു. മ൪ദനമേറ്റ ഡോക്ട൪ റെജിയെ ആശുപത്രിയിൽ പ്രവേശിപ്പിക്കുകയും പൊലീസിൽ പരാതിപ്പെടുകയും ചെയ്തു. ഇതുവരെ പ്രതികളെ അറസ്റ്റ് ചെയ്യുകയോ തുട൪ നടപടി സ്വീകരിക്കുകയോ ചെയ്തില്ല. ഇതിൽ പ്രതിഷേധിച്ച് പണിമുടക്കാനാണ് തീരുമാനം. ഇതുസംബന്ധിച്ച വാ൪ത്താ സമ്മേളനത്തിൽ കേരള ഗവ. മെഡിക്കൽ ഓഫിസേഴ്സ് അസോസിയേഷൻ പ്രസിഡൻറ് ഡോ. സുരേഷ് വ൪ഗീസ്, ഡോ. ഷിബോയി, സെക്രട്ടറി ഡോ. സുരേഷ് വ൪ഗീസ് എന്നിവ൪ പങ്കെടുത്തു.