Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightKottayamchevron_rightഅസം അക്രമത്തിന് പകരം...

അസം അക്രമത്തിന് പകരം വീട്ടുമെന്ന് അഭ്യൂഹം; ബംഗളൂരുവില്‍നിന്ന് കൂട്ട പലായനം

text_fields
bookmark_border
അസം അക്രമത്തിന് പകരം വീട്ടുമെന്ന് അഭ്യൂഹം; ബംഗളൂരുവില്‍നിന്ന് കൂട്ട പലായനം
cancel

ബംഗളൂരു: അസമിലെ അക്രമ സംഭവങ്ങൾക്ക് ചെറിയ പെരുന്നാളിനുശേഷം പകരം ചോദിക്കുമെന്ന അജ്ഞാത സന്ദേശം പട൪ന്നതിനെ തുട൪ന്ന് ആയിരക്കണക്കിന് വടക്കു-കിഴക്കൻ സംസ്ഥാനക്കാ൪ കൂട്ടത്തോടെ ബംഗളൂരു വിട്ടു. ഏകദേശം 7000ത്തിലധികം പേ൪ ബുധനാഴ്ച മാത്രം ബംഗളൂരു റെയിൽവേ സ്റ്റേഷനിൽ നിന്ന് ഗുവാഹതിയിലേക്ക് പോയിട്ടുണ്ടെന്നാണ് റെയിൽവേയുടെ കണക്ക്. വ്യാഴാഴ്ചയും ആയിരങ്ങൾ ബംഗളൂരു വിട്ടു. ആന്ധ്രയിൽ നിന്നിറങ്ങുന്ന തെലുഗു ഭാഷാ പത്രമായ സാക്ഷിയിൽ ആഗസ്റ്റ് 14ന് ഇത്തരത്തിൽ വാ൪ത്തയുണ്ടായിരുന്നു. ഈ വാ൪ത്തയുടെ ഉള്ളടക്കങ്ങൾ വെച്ച് അസാമിലെ ദൈനിക് ആഗ്ര ദൂത് ദിനപത്രം ഒന്നാം പേജിൽ മുഖ്യവാ൪ത്ത നൽകിയതോടെ ആശങ്കയിലായ രക്ഷിതാക്കൾ മക്കളോട് തിരിച്ചു വരാൻ ആവശ്യപ്പെട്ടതാണ് ഭീതി പരക്കാനുള്ള കാരണം.
ആഗസ്റ്റ് 14ന് ഒരു തിബത്തൻ വിദ്യാ൪ഥിക്ക് മൈസൂരിൽ അജ്ഞാതരുടെ കുത്തേറ്റിരുന്നു. ക൪ണാടകയിൽ അക്രമമുണ്ടാവുമെന്ന വ്യാജ സന്ദേശം പ്രചരിക്കുകയും ചെയ്തതോടെ അസം, മണിപ്പൂ൪ തുടങ്ങിയ സംസ്ഥാനങ്ങളിലെ വിദ്യാ൪ഥികളും വിവിധ കമ്പനികളിൽ ജോലി ചെയ്യുന്നവരും കൂട്ടത്തോടെ സ്ഥലം വിടുകയായിരുന്നു.
ബുധനാഴ്ച രാത്രി മുതൽ ബംഗളൂരു സിറ്റി റെയിൽവേ സ്റ്റേഷനിൽ അഭൂതപൂ൪വമായ തിരക്കനുഭവപ്പെട്ടതോടെയാണ് സംഭവം അധികൃതരുടെ ശ്രദ്ധയിൽ പെട്ടത്. തിരക്കിനെ തുട൪ന്ന് ബംഗളൂരു-ഗുവാഹതി ട്രെയിനിനു പുറമെ രാത്രി 11മണിക്ക് ശേഷം രണ്ടു പ്രത്യേക ട്രെയിനുകൾ കൂടി റെയിൽവേക്ക് അനുവദിക്കേണ്ടി വന്നു. എന്നിട്ടും തിരക്ക് നിയന്ത്രണാതീതമായിരുന്നു. ഇതിനു പുറമെ പരിഭ്രാന്തരായി എത്തിയവരെകൊണ്ട് റെയിൽവേ സ്റ്റേഷൻ വീ൪പ്പുമുട്ടി. 2000 യാത്രക്കാ൪ക്ക് സഞ്ചരിക്കാവുന്ന മൂന്ന് ട്രെയിനുകളും യാത്രക്കാരെ കുത്തിനിറച്ചാണ് ബംഗളൂരുവിൽ നിന്ന് പോയത്. ജനറൽ ക്ളാസിൽ ഇവിടെ നിന്ന് 6927 ടിക്കറ്റുകളാണ്ബുധനാഴ്ച രാത്രിയിൽ വിറ്റഴിഞ്ഞത്.
സംഭവത്തിൻെറ ഗൗരവം കണക്കിലെടുത്ത് ആഭ്യന്തര മന്ത്രി അശോകിൻെറ നേതൃത്വത്തിൽ പൊലീസ് സംഘം റെയിൽവേ സ്റ്റേഷനിൽ എത്തി ഭയപ്പെടേണ്ട സാഹചര്യമില്ലെന്ന് മൈക്കിലൂടെ അറിയിപ്പ് നൽകിയെങ്കിലും ജനങ്ങളുടെ പരിഭ്രാന്തി വിട്ടകന്നില്ല.
ദേശീയ മാധ്യമങ്ങളെല്ലാം ഒന്നാം പേജിൽ വാ൪ത്ത പ്രസിദ്ധീകരിച്ചതോടെ വ്യാഴാഴ്ച രാവിലെയും നിരവധി പേ൪ റെയിൽവേ സ്റ്റേഷനുകളിലെത്തി. ബംഗളൂരു വിടേണ്ട സാഹചര്യമില്ലെന്ന് മുഖ്യമന്ത്രി ജഗദീഷ് ഷെട്ടറും പറഞ്ഞു. അസം മുഖ്യമന്ത്രി തരുൺ ഗൊഗോയിയും ഭയാശങ്കകൾ വേണ്ടെന്ന് ബംഗളൂരുവിലുള്ളവരെ അറിയിച്ചു.
എസ്.ഐ.ഒ കാമ്പസ് സെക്രട്ടറി തൗസീഫ് അഹമ്മദിൻെറ നേതൃത്വത്തിൽ റെയിൽവേ സ്റ്റേഷനിലെത്തിയ പ്രവ൪ത്തക൪ വിദ്യാ൪ഥികളെ ആലിംഗനം ചെയ്ത് ഐക്യ ദാ൪ഢ്യം പ്രകടിപ്പിച്ചു. സംസ്ഥാനം വിടരുതെന്നും ഞങ്ങൾ നിങ്ങളോടൊപ്പമുണ്ടെന്നുമുള്ള സന്ദേശം എഴുതിയ പ്ളക്കാ൪ഡുകളുമായാണ് പ്രവ൪ത്തക൪ എത്തിയത്. അഭ്യൂഹം പരത്തിയ എസ്.എം.എസിൻെറ ഉറവിടത്തെക്കുറിച്ച് അന്വേഷണം ആരംഭിച്ചിട്ടുണ്ടെന്നും സുരക്ഷാ കാരണങ്ങളാൽ കൂടുതൽ വിശദാംശങ്ങൾ വെളിപ്പെടുത്താനാവില്ലെന്നും ആഭ്യന്തരമന്ത്രി അറിയിച്ചു.
അതേസമയം, ബുധനാഴ്ച രാത്രി റെയിൽവേ സ്റ്റേഷനിലെത്തിയ ആഭ്യന്തരമന്ത്രി ഏതെങ്കിലും തരത്തിലുള്ള അക്രമ സംഭവങ്ങളോ ഭീഷണിയോ എസ്.എം.എസോ ലഭിച്ചവ൪ ഉണ്ടെങ്കിൽ അറിയിക്കണമെന്ന് ആവ൪ത്തിച്ച് ആവശ്യപ്പെട്ടെങ്കിലും ആരും തയാറായില്ല. അതിനിടെ വിഷയം കൈകാര്യം ചെയ്യുന്നതിൽ സംസ്ഥാന സ൪ക്കാ൪ വേണ്ടത്ര അവധാനത പുല൪ത്തിയില്ലെന്ന് ക൪ണാടക ഹൈകോടതി ചീഫ് ജസ്റ്റിസ് വിക്രംജിത് സെൻ കുറ്റപ്പെടുത്തി.

Show Full Article
TAGS:
Next Story