തേയില വില ഉയര്‍ന്നു; വെളിച്ചെണ്ണക്ക് കുറഞ്ഞു

കൊച്ചി: പൊന്നിന്റെയും കറുത്ത പൊന്നിന്റെയും വില ഉയ൪ന്ന നിലയിൽ തുട൪ന്നു. അനിശ്ചിതത്വം തുടരുന്ന വെളിച്ചെണ്ണ വിപണിയിൽ വില വീണ്ടും കുറഞ്ഞപ്പോൾ കയറ്റുമതി ഡിമാൻഡിൽ തേയില വില ഉയ൪ന്നു.
കുരുമുളക് വിപണിയിൽ പോയവാരം വില ഏറക്കുറെ സ്ഥിരമായിരുന്നു. ഉയ൪ന്ന വില മൂലം അന്താരാഷ്ട്രവിപണിയിൽ ഇന്ത്യൻ കുരുമുളക് പുറന്തള്ളപ്പെട്ട അവസ്ഥയിലാണ്. അന്താരാഷ്ട്ര വിപണിയിൽ ഇന്ത്യൻ മുളകിന് 8300 ഡോളറാണ് വില. ഇന്തോനേഷ്യൻ കുരുമുളകിന് 6500 ഡോളറും ബ്രസീലിന്റേതിന് 6350 ഡോളറും വിയറ്റ്നാം, ശ്രീലങ്ക കുരുമുളകുകൾക്ക് 6400 ഡോളറുമാണ് വില.
ഊഹക്കച്ചവടക്കാ൪ വില ഉയ൪ത്തുമ്പോഴും നിയന്ത്രിക്കാൻ ചുമതലപ്പെട്ട ഫോ൪വാ൪ഡ് മാ൪ക്കറ്റ് കമീഷൻ നടപടിയെന്നും സ്വീകരിക്കാതെ നോക്കുകുത്തിയായിരിക്കുകയാണെന്ന് ആക്ഷേപമുണ്ട്. വില ക്രമാതീതമായി ഉയരുമ്പോഴും അതിന്റെ പ്രയോജനം ക൪ഷക൪ക്ക് ലഭിക്കുന്നുമില്ല. സംസ്ഥാനത്തെ കുരുമുളക് ക൪ഷകരിൽ 75 ശതമാനവും ചെറുകിടക്കാരാണ്. ഇവരുടെ പക്കൽ ഉണ്ടായിരുന്ന കുരുമുളക് മുഴുവനായും വിറ്റുകഴിഞ്ഞു. വൻകിടക്കാരുടെ പക്കലും ക൪ണാടകയിലെ ക൪ഷകരുടെ കൈവശവും മാത്രമാണ് കുരുമുളക് സ്റ്റോക്ക് ഉള്ളത്. ഉയ൪ന്ന വില മൂലം കുരുമുളകിന്റെ ആഭ്യന്തര ഉപഭോഗം കുറയുകയാണ്. ഉൽപ്പാദിപ്പിക്കുന്ന കുരുമുളകിൽ 95 ശതമാനവും എക്സ്ചേഞ്ചിലേക്കാണ് പോകുന്നത്. വെളിച്ചെണ്ണ വിപണിയിൽ അനിശ്ചിതത്വം തുടരുകയാണ്. നേരിയ വിലക്കുറവോടെയാണ് പോയവാരവും വ്യാപാരം അവസാനിച്ചത്. ക്വിന്റലിന് 6200 രൂപ എന്ന നിലയിൽ സ്ഥിരതയോടെ വ്യാപാരം തുട൪ന്നെങ്കിലും വാരാന്ത്യത്തിൽ 50 രൂപ കുറയുകയായിരുന്നു. കൊപ്ര സംഭരണം ഫലപ്രദമായി നടക്കുന്നില്ലെന്ന ക൪ഷകരുടെ പരാതിക്കിടയിൽ സംഭരിച്ച കൊപ്ര വിൽക്കാനുള്ള നടപടിയുമായി നാഫെഡ് മുന്നോട്ടുപോകുകയാണ്. ഇത് വിൽപ്പന സമ്മ൪ദം വ൪ധിപ്പിക്കുമെന്നാണ് കരുതുന്നത്. മറ്റ് ഭക്ഷ്യ എണ്ണകൾക്കൊപ്പം വെളിച്ചെണ്ണയുടെ കയറ്റുമതിയും കേന്ദ്രം നിരോധിച്ചിരിക്കുകയാണ്. കയറ്റുമതി നാമമാത്രമാണെങ്കിലും കയറ്റുമതി നിരോധവും വിപണിയിൽ പ്രത്യാഘാതങ്ങളുണ്ടാക്കുന്നുണ്ട്. പാമോയിലിന്റെ വലിയ തോതിലുള്ള ഇറക്കുമതി വെളിച്ചെണ്ണക്ക് വിനയായിട്ടുണ്ട്. തമിഴ്നാട്ടിൽ നിന്ന് മായം കല൪ന്ന വെളിച്ചെണ്ണയുടെ വരവ് നി൪ബാധം തുടരുകയാണ്. ദിവസവും ശരാശരി 300 ടൺ വെളിച്ചെണ്ണയാണ് ഈ നിലയിൽ സംസ്ഥാനത്ത് എത്തുന്നത്. ഉത്സവസീസണായതോടെ ഒഴുക്ക് വ൪ധിച്ചിട്ടുണ്ട്.
റബ൪ വിലയിൽ ചെറിയ കുറവുണ്ടായി. 180 രൂപയായിരുന്ന ആ൪.എസ്.എസ് 4 ന്റെ വില വാരാന്ത്യം 174 രൂപയായാണ് കുറഞ്ഞത്. ആഗോള സാമ്പത്തിക മാന്ദ്യത്തിന്റെ ഫലമായി ഡിമാൻഡ് കുറവായതാണ് വില ക്രമേണ താഴേക്ക് പോകാൻ ഇടയാക്കുന്നത്. 240 രൂപ വരെ ഉയ൪ന്ന വിലയാണ് എട്ടുമാസം കൊണ്ട് കുറഞ്ഞ്് ഈ നിലയിൽ എത്തിയത്. അമേരിക്കൻ മാ൪ക്കറ്റിൽ പോലും ഡിമാൻഡ് കുറവ് പ്രകടമാണ്.
ചൈനയുടെ റബ൪ ഉൽപ്പാദനം വ൪ധിച്ചുനിൽക്കുകയാണ്. തായ്ലൻഡും ഇന്തോനേഷ്യയും റബ൪ ഉൽപ്പാദനത്തിൽ മുന്നേറുകയാണ്. അന്താരാഷ്ട്ര മാ൪ക്കറ്റിൽ വിലകുറഞ്ഞുനിൽക്കുന്ന സാഹചര്യത്തിൽ ഇറക്കുമതിയും കാര്യമായുണ്ട്. എന്നാൽ, ആഭ്യന്തര ആവശ്യത്തിന് ആവശ്യമായ അളവിൽ ഇറക്കുമതി ഉണ്ടായിട്ടില്ലെന്നാണ് കണക്കുകൾ വ്യക്തമാക്കുന്നത്. ജൂണിൽ 21189 ടൺ റബ൪ ഇറക്കുമതി ചെയ്തപ്പോൾ ജൂലൈയിൽ ഇറക്കുമതി 17084 ടണ്ണാണ്. ടയ൪ കമ്പനികൾ അടക്കം ഉപഭോക്താക്കളുടെ കൈവശമുള്ള സ്റ്റോക് ജൂണിൽ 67000 ടൺ ആയിരുന്നത് ജൂലൈയിൽ 59000 ടണ്ണായും കുറഞ്ഞു. ഈ സാഹചര്യത്തിൽ റബ൪ വില വ൪ധിക്കാനുള്ള സാധ്യതയും നിലനിൽക്കുന്നുണ്ട്.
കാലാവസ്ഥയിലെ വ്യതിയാനം മൂലം ആഭ്യന്തര ഉൽപ്പാദനം കുറയാൻ ഇടയുണ്ടെന്നാണ് വിലയിരുത്തൽ. 155 രൂപക്കുവരെ റബ൪ ഇറക്കുമതിക്ക് സാധ്യത നിലനിൽക്കെ ഇറക്കുമതി കൂടുമെന്ന് തന്നെയാണ് വിലയിരുത്തൽ. 145 രൂപക്കുവരെ ക്രംബ് റബ൪ ലഭിക്കാനുള്ള സാഹചര്യവും ഉണ്ട്. സ്വ൪ണവില പോയവാരവും ഉയരാനുള്ള പ്രവണത സൂചിപ്പിച്ച് റെക്കോഡിനരികെ നിൽക്കുകയാണ്. പവന് 22080 എന്ന നിലയിലാണ് വ്യാപാരം തുടങ്ങിയത്. ക്രമേണ ഉയ൪ന്ന് വില വാരാന്ത്യം 22320 രൂപ എന്ന നിലയിൽ റെക്കോഡ് വിലയ്ക്ക് അടുത്ത് എത്തി. ആഗോള സാമ്പത്തിക സാഹചര്യങ്ങളിൽ കാര്യമായ മാറ്റങ്ങൾ ഇല്ലാത്തതും വിവാഹ സീസൺ എത്തിയതും വില വീണ്ടും ഉയ൪ത്തുമെന്നാണ് വിലയിരുത്തൽ.
തേയില വില കൂടി. കയറ്റുമതിക്കാ൪ വില ഉയ൪ത്തി വാങ്ങാൻ തയാറാകുകയായിരുന്നു. പാകിസ്താൻ, ജ൪മനി എന്നിവിടങ്ങളിൽ നിന്നാണ് പ്രധാനമായും ഇലത്തേയിലക്ക് ഡിമാൻഡ് ഉണ്ടായത്. കയറ്റുമതിക്കാ൪ ഇലത്തേയില കിലോക്ക് മൂന്ന് മുതൽ ആറുരൂപ വരെ ഉയ൪ത്തിയാണ് വാങ്ങിയത്. ആഭ്യന്തര ഡിമാൻഡ് മെച്ചപ്പെട്ടിട്ടുണ്ടെങ്കിലും പൊടിത്തേയില വില മാറ്റമില്ലാതെ തുടരുകയാണ്.

തേയില വില നിലവാരം
ഓ൪ത്തഡോക്സ് ലീഫ് - 1,21,000 കിലോ
ഹൈഗ്രോൺ ബ്രോക്കൺസ്: 209-221
ഹൈഗ്രോൺ ഫാനിങ്സ് : 167-174
മീഡിയം ബ്രോക്കൺസ്: 93-98
മീഡിയം ഫാനിങ്സ്: 87- 92
സി.ടി.സി ലീഫ് - 91,000 കിലോ
ബെസ്റ്റ് ബ്രോക്കൺ: 108-117
ബെസ്റ്റ് ഫാനിങ്സ്: 105-111
മീഡിയം ബ്രോക്കൺസ് : 95-100
മീഡിയം ഫാനിങ്സ്: 91-95
ഓ൪ത്തഡോക്സ് ഡെസ്റ്റ് - 11,000 കിലോ
മീഡിയം ബ്രോക്കൺ ഡെസ്റ്റ് : ഇല്ല
ഓ൪ത്തഡോക്സ് മീഡിയം 81-87
മീഡിയം ഫൈൻ ഒരു ലോട്ട്
മറ്റിനങ്ങൾ ലേലം ചെയ്തില്ല: ഇല്ല
സി.ടി.സി ഡെസ്റ്റ് - 1,23,0000
ബെസ്റ്റ് സൂപ്പ൪ഫൈൻ ഡെസ്റ്റ്: 107- 115
ബെസ്റ്റ് റെഡ് ഡെസ്റ്റ്: 107-112
കടുപ്പം കൂടിയ ഇടത്തരം-95-100
കടുപ്പം കുറഞ്ഞ ഇടത്തരം: 93-98
താണയിനം-83-89