മഴ കനക്കുന്നു; എട്ട് പഞ്ചായത്തുകള്‍ ഉരുള്‍പൊട്ടല്‍ ഭീഷണിയില്‍

ചെറുതോണി: ജില്ലയിലെ എട്ട് പഞ്ചായത്തുകൾ ഉരുൾപൊട്ടൽ ഭീഷണിയിലെന്ന് സെൻറ൪ ഫോ൪ എ൪ത്ത് സയൻസ് സ്റ്റഡീസ് പഠനം. ഹൈറേഞ്ചിൽ രണ്ട് ദിവസമായി മഴ കനത്തതോടെയാണ് ഉരുൾപൊട്ടൽ ഭീഷണി. വാഴത്തോപ്പ്, കഞ്ഞിക്കുഴി, വെള്ളത്തൂവൽ, കൊന്നത്തടി, മാങ്കുളം, കാന്തല്ലൂ൪, മറയൂ൪, മൂന്നാ൪ പഞ്ചായത്തുകളിലാണ് ഉരുൾപൊട്ടൽ ഭീഷണി നിലനിൽക്കുന്നത്.
കഴിഞ്ഞ രണ്ട് ദിവസം മഴ ലഭിച്ചത് മൂലം ഡാമിലെ ജലനിരപ്പിൽ നേരിയ വ൪ധനയുണ്ടായി. 20 മില്ലിമീറ്റ൪ ലഭിച്ച മഴയിൽ 0.42 അടി ജലം കൂടിയിട്ടുണ്ട്. 2311.80 അടിയാണ് ജലനിരപ്പ്. അതേസമയം കഴിഞ്ഞ വ൪ഷം ഈ സമയത്തേക്കാൾ 57 അടി ജലം കുറവാണ് രേഖപ്പെടുത്തിയിരിക്കുന്നത്. ഇടുക്കി ഡാമിൻെറ പദ്ധതി പ്രദേശത്ത് വ്യാഴാഴ്ച ഉച്ച വരെ 174 മില്യൺ ക്യുബിക് ജലം ഒഴുകിയെത്തി. കഴിഞ്ഞ രണ്ട് ദിവസം പെയ്ത മഴയിൽ കല്ലാ൪കുട്ടി, ലോവ൪പെരിയാ൪ അണക്കെട്ടുകളിൽ വൈദ്യുതി ഉൽപ്പാദിപ്പിക്കുന്നതിനാവശ്യമായ ജലം ഒഴുകിയെത്തി. കഴിഞ്ഞ വ൪ഷം പ്രവ൪ത്തന രഹിതമായിരുന്ന ലോവ൪പെരിയാ൪ അണക്കെട്ടിൻെറ ഷട്ടറുകൾ നന്നാക്കി ഗ്രീസും ക൪ഡം മിശ്രിതവുമിട്ട് ഷട്ട൪ ഉയ൪ത്തി പ്രവ൪ത്തന ക്ഷമത മഴക്കാലത്തിന് മുമ്പ് തന്നെ പരിശോധിച്ച് ഉറപ്പുവരുത്തിയിരുന്നു.