വാന്‍ കടയില്‍ ഇടിച്ചുകയറി രണ്ടുപേര്‍ക്ക് പരിക്ക്

പന്തളം: സിമൻറ് ലോഡുമായി വന്ന ടെമ്പോ നിയന്ത്രണം വിട്ട് കടയിലേക്ക് ഇടിച്ചു കയറി രണ്ടുപേ൪ക്ക് പരിക്ക്.ടെമ്പോ ഡ്രൈവ൪ കുളനട കൈപ്പുഴ മുളക്കത്ര വീട്ടിൽ അനിയൻ (45), ക്ളീന൪ മുടിയൂ൪ക്കോണം ചൂരക്കോട്ടുതുണ്ടിൽ ഹരി (30) എന്നിവ൪ക്കാണ് പരിക്കേറ്റത്.
എം.സി റോഡിൽ കുരമ്പാല ഇടയാടി ഗവ.എൽ.പി സ്കൂളിന് മുന്നിൽ വെള്ളിയാഴ്ച ഉച്ചക്ക് 12 നായിരുന്നു അപകടം. അടൂ൪ ഭാഗത്തുനിന്ന് പന്തളം മുട്ടാ൪ അയ്യപ്പാസ് ഏജൻസിയിലേക്ക് വരികയായിരുന്ന ടെമ്പോയാണ് അപകടത്തിൽപ്പെട്ടത്. കുരമ്പാല കല്ലുവെട്ടാംകുഴി ജോസ്കുട്ടിയുടെ സ്റ്റേഷനറി കടയിലേക്കാണ് വാൻ ഇടിച്ചുകയറിയത്. പരിക്കേറ്റവരെ പന്തളത്തെ ആശുപത്രിയിൽ പ്രവേശിപ്പിച്ചു.