മദ്യപിച്ച് ആശുപത്രിയില്‍ പരാക്രമം കാട്ടിയ എ.എസ്.ഐ പിടിയില്‍

കാസ൪കോട്: സ്വകാര്യ ആശുപത്രിയിൽ മദ്യപിച്ചെത്തി പരാക്രമം കാട്ടിയ എ.എസ്.ഐയെ ആശുപത്രി അധികൃത൪ പിടികൂടി പൊലീസിലേൽപിച്ചു. കഴിഞ്ഞദിവസം വൈകീട്ടാണ് സംഭവം. ആദൂ൪ പൊലീസ്സ്റ്റേഷനിലെ എ.എസ്.ഐ സതീശ ബല്ലാളാണ് ആശുപത്രിയിലെത്തി ബഹളംവെച്ചത്. പൊലീസെത്തി എ.എസ്.ഐയെ ജനറൽ ആശുപത്രിയിൽ കൊണ്ടുപോയി വൈദ്യപരിശോധന നടത്തി. പുതിയ ബസ്സ്റ്റാൻഡിൽ ഡ്യൂട്ടിക്കിടയിലായിരുന്നു എ.എസ്.ഐയുടെ മദ്യപിച്ചുള്ള പരാക്രമം. ഇയാൾക്കെതിരെ റിപ്പോ൪ട്ട് നൽകിയതായി കാസ൪കോട് സി.ഐ പറഞ്ഞു.