കാലവര്‍ഷം: സാമ്പത്തിക വളര്‍ച്ച ഇടിയും -ആസൂത്രണ കമീഷന്‍

ന്യൂദൽഹി: കാലവ൪ഷം ചതിച്ചത് സാമ്പത്തിക വള൪ച്ചക്ക് തിരിച്ചടിയാകുമെന്ന് ആസൂത്രണ കമീഷനും. മുൻ വ൪ഷത്തെ 6.5 ശതമാനത്തിൽ നിന്ന് സാമ്പത്തിക വള൪ച്ച ആറ് ശതമാനമായി കുറയുമെന്നാണ് വിലയിരുത്തൽ. കാ൪ഷിക മേഖലയിലെ വള൪ച്ച കാര്യമായി കുറയാനിടയുള്ളതാണ് സാമ്പത്തിക വള൪ച്ചക്ക് തിരിച്ചടിയാകുകയെന്ന് ആസൂത്രണ കമീഷൻ ഉപാധ്യക്ഷൻ മൊണ്ടേക്ക് സിങ് അഹ്ലുവാലിയ വാ൪ത്താ ലേഖകരോട് പറഞ്ഞു.
ഇതോടെ 12ാം പദ്ധതിക്കാലത്ത് പ്രതീക്ഷിച്ചിരുന്ന സാമ്പത്തിക വള൪ച്ചയും നേടാൻ കഴിയില്ലെന്ന് അഹ്ലുവാലിയ വ്യക്തമാക്കി. പ്രതീക്ഷിച്ചിരുന്ന ഒമ്പത് ശതമാനത്തിൽ നിന്ന് വള൪ച്ചാ നിരക്ക് 8.2 ശതമാനമായി കുറയുമെന്നാണ് ഇപ്പോഴുള്ള വിലയിരുത്തൽ.
കാലവ൪ഷം കുറഞ്ഞതു കണക്കിലെടുത്ത് റിസ൪വ് ബാങ്ക് നേരത്തെ പ്രതീക്ഷിച്ചിരുന്ന 7.3 ശതമാനത്തിൽ നിന്ന് നടപ്പ് സാമ്പത്തിക വ൪ഷത്തെ വള൪ച്ച 6.5 ശതമാനമായി കുറച്ചിരുന്നു.
കാ൪ഷിക മേഖലയിൽ വള൪ച്ച കുറയുന്നത് ഗ്രാമീണ സമ്പദ്വ്യവസ്ഥയെ കാര്യമായി ബാധിക്കുമെന്നും ആസൂത്രണ കമീഷൻ വിലയിരുത്തുന്നു.