സ്പോണ്‍സറെ നിയമപരമായി നേരിട്ട ഇര്‍ഷാദിന് മോചനമായി

ബുറൈദ: നാലുവ൪ഷത്തിലധികമായി അകാരണമായി നാട്ടിലയക്കാതിരുന്ന സ്പോൺസറെ നിയമപരമായി നേരിട്ട മലയാളി ഒത്തുതീ൪പ്പു വഴി നാട്ടിലെത്തി. കൊല്ലം പോളത്തോട് ജെ.എസ് നിവാസിൽ അലികുഞ്ഞിൻെറ മകൻ ഇ൪ഷാദ് (44) ആണ് നാടണഞ്ഞത്. ആദ്യമായി സൗദിയിലെത്തിയ ഇ൪ഷാദിനെ സ്പോൺസ൪ സ്ഥാപനത്തിൽ ജോലി നൽകി. എന്നാൽ രണ്ടു വ൪ഷം പൂ൪ത്തിയാവുതിനു മുമ്പേ ഹെ൪ണിയയുടെ അസുഖം മൂ൪ഛിച്ചതിനാൽ ലീവിനു നാട്ടിൽ പോയി തിരിച്ചു വന്നപ്പോഴേക്കും കഫീൽ സ്ഥാപനം വിറ്റിരുന്നു. ഇനി തൻെറ കീഴിൽ ജോലിയില്ലെന്ന് പറഞ്ഞ് ഇ൪ഷാദിനെ മറ്റൊരു സ്ഥാപനത്തിൽ ജോലിക്കായി കൊണ്ടു ചെന്നാക്കി. രണ്ട് വ൪ഷത്തോളം അവിടെ ജോലി തുട൪ന്ന ഇ൪ഷാദ് ഓപറേഷൻ കഴിഞ്ഞതിൻെറ അസ്വസ്ഥത അനുഭവപ്പെട്ടതിനെ തുട൪ന്ന് നാട്ടിൽ പോകണമെന്ന് സ്പോൺസറോട് ആവശ്യപ്പെട്ടു.
എന്നാൽ അത് മുഖവിലക്കെടുക്കാതെ ഇ൪ഷാദിനെ മാ൪ബിൾ ഫാക്ടറിയിൽ ജോലിക്കു നിറുത്തി. ഇതിനിടയിൽ നാട്ടിൽ ആശുപത്രിയിൽ അഡ്മിറ്റാക്കയ മാതാവിന് തന്നെ കാണാൻ ആഗ്രഹമുണ്ടെന്ന് സ്പോൺസറെ വിളിച്ചു പറയാൻ ശ്രമിച്ചപ്പോഴൊക്കെ അയാൾ ഒഴിഞ്ഞുമാറി. ജോലിയുടെ കാഠിന്യം മൂലം ഓപറേഷൻ കഴിഞ്ഞ ഭാഗത്ത് അതിവേദന അനുഭവപ്പെട്ടതിനെ തുട൪ന്ന് ആശുപത്രിയിൽ പ്രവേശിപ്പിക്കുകയും ചെയ്തു. നിലവിൽ ശമ്പളം തരുന്ന സൗദിയോട് നാട്ടിലയക്കണമെന്ന് അഭ്യ൪ഥിച്ചപ്പോൾ മുൻ കഫീലുമായുള്ള കരാ൪ അവസാനിക്കുന്നതിന് മുമ്പ് പോകാൻ സാധിക്കുകയില്ല എന്നായിരുന്നു മറുപടി. വീണ്ടും ഇ൪ഷാദിനെ തൻെറ ഇസ്തിറാഹയിൽ എത്തിച്ചു കഠിനമായി ജോലിയെടുപ്പിച്ചു. അവിടെയും രണ്ടു വ൪ഷം പൂ൪ത്തിയായപ്പോൾ ഇനിയെങ്കിലും നാട്ടിലയക്കണമെന്ന് ആവശ്യപ്പെട്ടെങ്കിലും അതു ചെവിക്കൊണ്ടില്ല.
വീണ്ടും വീണ്ടും സമീപിച്ചപ്പോഴെല്ലാം ഓരോ അവധി പറഞ്ഞു മടക്കി അയക്കുകയല്ലാതെ ഒരു നടപടിയും കൈക്കൊളളാതെ നാലു മാസത്തോളം നീട്ടിക്കൊണ്ടു പോയി. ഇനിയും കാത്തിരിക്കുന്നതിൽ അ൪ഥമില്ലെന്ന് മനസ്സിലാക്കിയ ഇ൪ഷാദ് ബുറൈദ ഇന്ത്യ ഫ്രറ്റേണിറ്റി ഫോറം പ്രവ൪ത്തകരുടേയും അൽറാസിലെ നൗഷാദ് പോത്തങ്കോടിൻെറയും സഹായത്താൽ നിയമനടപടികളുമായി മുമ്പോട്ട് പോയി. ആദ്യം ഇമാറയിൽ പരാതിപ്പെട്ടു. അവ൪ കേസ് സ്പോൺസറുടെ താമസസ്ഥലമായ ബുകേരിയ കോടതിയിലേക്ക് ട്രാൻസ്ഫ൪ ചെയ്തു. ഇവിടെ ഹാജറായ സ്പോൺസ൪ക്ക് ന്യായങ്ങളൊന്നും പറയാനുണ്ടായിരുന്നില്ല. കാര്യങ്ങൾ തനിക്ക് പ്രതികൂലമാണെന്ന് മനസ്സിലാക്കിയ സ്പോൺസ൪ ഇങ്ങോട്ട് ബന്ധപ്പെട്ട് ഇ൪ഷാദിനെ നാട്ടിലയക്കാനുളള രേഖകൾ ശരിയാക്കി തരികയും ടിക്കറ്റിനുള്ള പകുതി തുക നൽകുകയും ചെയ്തു. കഴിഞ്ഞ ദിവസം റിയാദ് വഴി തിരുവനന്തപുരത്തേക്കു പുറപ്പെട്ട ഇ൪ഷാദ് തന്നെ സഹായിച്ച ഫ്രറ്റേണിറ്റി ഫോറം, നൗഷാദ് പോത്തങ്കോട്, മൻസൂ൪ കൊല്ലം, സലാം വ൪ക്കല എന്നിവ൪ക്ക് നന്ദി അറിയിച്ചാണ് യാത്രയായത്.