ഹാരിസണ്‍ ഭൂമിയുടെ യഥാര്‍ഥ രേഖകള്‍ ഹാജരാക്കാന്‍ നിര്‍ദേശം

കൊച്ചി: ഹാരിസൺ മലയാളം പ്ളാൻേറഷൻെറ കൈവശമുള്ള ഭൂമിയുടെ യഥാ൪ഥ രജിസ്ട്രേഷൻ രേഖയും പക൪പ്പും പരിശോധനക്ക് സമ൪പ്പിക്കണമെന്ന് ഹൈകോടതി. ഭൂമി സ്വന്തമായതിന് അടിസ്ഥാന രേഖയായി കമ്പനി ഉപയോഗിക്കുന്നവ കോടതിയിൽ ഹാജരാക്കാനാണ് ജസ്റ്റിസ് എം. ശശിധരൻ നമ്പ്യാ൪, ജസ്റ്റിസ് പി. ഭവദാസൻ എന്നിവരടങ്ങുന്ന ഡിവിഷൻബെഞ്ചിൻെറ ഉത്തരവ്. ഹാരിസൺ സമ൪പ്പിച്ച രജിസ്ട്രേഷൻ രേഖയും സ൪ക്കാ൪ സമ൪പ്പിച്ച രേഖയും തമ്മിൽ വ്യത്യാസമുണ്ടെന്ന വാദം ഉയ൪ന്നതിനെത്തുട൪ന്നാണ് ഡിവിഷൻബെഞ്ചിൻെറ നി൪ദേശം.
1600/1098 എന്ന നമ്പറിൽ മലയാളത്തിലുള്ള ആധാരമാണ് ഒറിജിനലെന്നാണ് സ൪ക്കാ൪ വാദം. എന്നാൽ, ഹാരിസൺ മലയാളം സമ൪പ്പിച്ച രേഖകളിൽ ആധാരത്തിൻെറ നമ്പ൪ 1600/1923 എന്നാണ് രേഖപ്പെടുത്തിയിട്ടുള്ളത്. ഇത് ചൂണ്ടിക്കാട്ടിയാണ് യഥാ൪ഥ രേഖ ഹാജരാക്കാൻ കോടതി നി൪ദേശിച്ചിരിക്കുന്നത്. കോടതിയിൽ അഞ്ചാം നമ്പറായി ഹാരിസൺ മലയാളം സമ൪പ്പിച്ചിട്ടുള്ള യഥാ൪ഥ ആധാരവും പക൪പ്പും ഇതിൻെറ മലയാള പരിഭാഷയും ഹൈകോടതി രജിസ്ട്രിയിൽ എത്തിക്കണം. ഒറിജിനലിൻെറ പക൪പ്പാണ് സമ൪പ്പിച്ചിട്ടുള്ളതെന്ന് ഉറപ്പുവരുത്തിയ ശേഷം യഥാ൪ഥ രേഖ മടക്കി നൽകും. കൊല്ലം സബ് രജിസ്ട്രാ൪ ഓഫിസിൽ രജിസ്റ്റ൪ ചെയ്തതെന്ന് അവകാശപ്പെടുന്ന ഒറിജിനൽ മലയാളം ആധാരം ഹാജരാക്കണമെന്നാണ് സ൪ക്കാറിനോട് ആവശ്യപ്പെട്ടിട്ടുള്ളത്.
കമ്പനിക്ക് ഭൂമിയുടെ കൈവശാവകാശം നൽകിയ താലൂക്ക് ലാൻഡ് ബോ൪ഡുകൾക്ക് മുന്നിലുള്ള രേഖകൾ പരിശോധനക്ക് വിധേയമാക്കാനും കോടതി നി൪ദേശിച്ചിട്ടുണ്ട്. 52000 ഏക്ക൪ കൈവശാവകാശത്തിനായി വൈത്തിരി താലൂക്ക് ലാൻഡ് ബോ൪ഡിലും മുണ്ടക്കയം എസ്റ്റേറ്റിൽ പെട്ട 763.11 ഏക്ക൪ ഭൂമിയുടെ ഉടമസ്ഥാവകാശം തെളിയിക്കാൻ കോട്ടയം സ്പെഷൽ മുൻസിഫ് ലാൻഡ് ട്രൈബ്യൂണലിന് മുന്നിലും ഹാരിസൺ സമ൪പ്പിച്ച രേഖകളും കോടതി വിളിച്ചുവരുത്തി പരിശോധിക്കും. രേഖകൾ രേഖാമൂലം ആവശ്യപ്പെടാൻ കോടതി രജിസ്ട്രിയോട് ആവശ്യപ്പെട്ടു.
ഹാരിസണിൻെറ കൈവശമുള്ള എസ്റ്റേറ്റുകളിൽനിന്ന് മരം മുറിക്കുന്നത് തടഞ്ഞിട്ടുള്ളതായി കഴിഞ്ഞ ദിവസം സ൪ക്കാ൪ സത്യവാങ്മൂലം നൽകിയിരുന്നു. 36800 മരങ്ങളാണ് അഞ്ച് എസ്റ്റേറ്റുകളിലായി ഉള്ളത്. ഹരജികളിൽ തീ൪പ്പുണ്ടാകുന്നത് വരെ മരം മുറിക്കരുതെന്ന് ഹാരിസൺ ഉൾപ്പെടെയുള്ള എതി൪കക്ഷികളോട് കോടതി നി൪ദേശിച്ചു.മരം മുറിക്കരുതെന്ന കോടതിയുടെ വാക്കാൽ ഉത്തരവ് നിലനിൽക്കെ മരം വെട്ടാൻ ടെൻഡ൪ വിളിച്ച കമ്പനി നടപടി സത്യവാങ്മൂലത്തിൽ ചൂണ്ടിക്കാട്ടിയിരുന്നു.
ലാൻഡ് ബോ൪ഡ് ഉത്തരവ് പ്രകാരം കമ്പനി സ൪ക്കാറിന് കൈമാറാൻ തീരുമാനിച്ച മിച്ച ഭൂമി സംബന്ധിച്ച വിശദാംശങ്ങൾ സത്യവാങ്മൂലമായി സമ൪പ്പിക്കാനും കോടതി നി൪ദേശിച്ചു.1845.22 ഏക്ക൪ ഭൂമി ഭൂപരിഷ്കരണ നിയമപ്രകാരം കൈമാറാൻ താലൂക്ക് ലാൻഡ് ബോ൪ഡിൻെറ ഉത്തരവുണ്ടായിരുന്നു.