കൊടുവള്ളി പുത്തൂര്‍ സ്വദേശി ഹൃദയാഘാതം മൂലം നിര്യാതനായി

മനാമ: മലയാളി യുവാവ് താമസ സ്ഥലത്ത് ഹൃദയാഘാതം മൂലം നിര്യാതനായി. കൊടുവള്ളി പൂത്തൂ൪ നടുക്കാപ്പിൽ അബ്ദുറഹ്മാനാണ് (38) ഞായറാഴ്ച വൈകീട്ട് നിര്യാതനായത്. കഴിഞ്ഞ 15 വ൪ഷമായി ബഹ്റൈനിൽ ജോലി ചെയ്യുന്ന യുവാവിന് ഇന്നലെ വൈകുന്നേരം മൂന്ന് മണിയോടെ ഡ്യൂട്ടി സമയത്ത് അസ്വസ്ഥത അനുഭവപ്പെടുകയായിരുന്നു.
ഉടനെ മുഹറഖിലെ തമാസ സ്ഥലത്തേക്ക് തിരിച്ചു. ഇതിനിടെ ഇവിടെയുള്ള മരുമകനെയും റൂമിലേക്ക് വിളിച്ചു വരുത്തിയിരുന്നു. റൂമിലെത്തിയ ഉടനെ ഒരു ഗ്ളാസ് വെള്ളം കുടിക്കുകയും കുഴഞ്ഞുവീഴുകയുമായിരുന്നു. സ്ഥലത്തുണ്ടായിരുന്ന ബന്ധുവും സഹപ്രവ൪ത്തകരും ചേ൪ന്ന് അൽ ഹിലാൽ ആശുപത്രിയിൽ എത്തിച്ചപ്പോഴേക്കും മരണം സംഭവിച്ചു.
അബ്ദുറഹ്മാൻ രണ്ട് മാസം മുമ്പ് നാട്ടിൽ പോയി വന്നതായിരുന്നു. ഫാത്തിമയാണ് മാതാവ്. ഭാര്യ: ആരിഫ. മക്കൾ: മുഹമ്മദ് സിനാൻ, മുഹമ്മദ് ഇത്ബാൻ, ഫാത്തിമ ഹനാൻ. സൽമാനിയ ആശുപത്രി മോ൪ച്ചറിയിലേക്ക് മാറ്റിയ മൃതദേഹം നാട്ടിലേക്ക് കൊണ്ടുപോകുന്നതിന് സാമൂഹിക പ്രവ൪ത്തകനായ ബഷീ൪ അമ്പലായിയുടെയും മറ്റും നേതൃത്വത്തിൽ ശ്രമം നടത്തുന്നുണ്ട്.