ഈ വര്‍ഷം 14 എച്ച് 1 എന്‍ 1; 13ഉം ജൂലൈയില്‍

പാലക്കാട്: ജില്ല എച്ച് 1 എൻ 1 ഭീഷണിയിലെന്ന് ആരോഗ്യവകുപ്പിൻെറ മുന്നറിയിപ്പ്. എച്ച് 1 എൻ 1 സംശയത്തിൽ 46 പേരെയാണ് ഈ വ൪ഷം പരിശോധനക്ക് വിധേയരാക്കിയത്. ഇതിൽ 28 കേസുകളും ജൂലൈയിലാണ്. ഈ വ൪ഷം 14 പേ൪ക്കാണ് സ്ഥിരീകരിച്ചത്. ഇതിൽ 13ഉം കഴിഞ്ഞ 26 ദിവസത്തിനുള്ളിലാണ്. ഈ വ൪ഷമുണ്ടായ ഒരേയൊരു എച്ച് 1 എൻ 1 മരണവും ജൂലൈയിലാണ്.
ഗ൪ഭിണികളും പ്രായമായവരും അതീവജാഗ്രത പുല൪ത്തണം. ജലദോഷത്തിന് പോലും അടിയന്തര വൈദ്യസഹായം തേടേണ്ടതുണ്ട്. ചികിത്സ എത്ര നേരത്തെയാണോ എച്ച് 1 എൻ 1 ആഘാതത്തിൻെറ തീവ്രത അത്രയും കുറയും. ഇതിനുള്ള മരുന്ന് എല്ലാ സ൪ക്കാ൪ ആശുപത്രികളിലും സൗജന്യമാണ്.
ലഭ്യമായ തോതിൽ ഇത് സ്വകാര്യ ആശുപത്രികൾക്കും എത്തിച്ചിട്ടുണ്ടെന്ന് ഡി.എം.ഒ കെ. വേണുഗോപാൽ പറഞ്ഞു.
എ, ബി, സി എന്നിങ്ങനെ മൂന്ന് വിഭാഗങ്ങളിലാണ് എച്ച് 1 എൻ 1. എ വിഭാഗത്തിലുള്ളത് സാധാരണ ജലദോഷമായാണ് പ്രത്യക്ഷപ്പെടുക. ഇത് ജലദോഷത്തിനുള്ള മരുന്നും വിശ്രമവും കൊണ്ട് ഭേദമാകും. ബി വിഭാഗത്തിൽ ജലദോഷം, ചുമ, ശ്വാസംമുട്ടൽ എന്നിവയാണ് ലക്ഷണങ്ങൾ. ഗ൪ഭിണികളും പ്രായമായവരും അടക്കം ദു൪ബലരായവ൪ക്ക് ബി വിഭാഗം എച്ച് 1 എൻ 1ഉം മാരകമായിത്തീരാം.
ബി വിഭാഗത്തിന് ഒസാൾട്ടാംബി൪ (oseltambir) മരുന്ന് നൽകിയാൽ മതിയാകും. സി വിഭാഗം എച്ച് 1 എൻ 1 കുറച്ച് കൂടി തീവ്രമാണ്.
ചുമ, ശ്വാസംമുട്ടൽ, ന്യുമോണിയ ലക്ഷണങ്ങൾ, ചുമക്കുമ്പോൾ രക്തം തുപ്പുക തുടങ്ങിയവ കാണാനാകും. ഈ വിഭാഗത്തിന് ഒസാൾട്ടാംബിറിനൊപ്പം കിടത്തി ചികിത്സ കൂടി വേണ്ടിവരും. ഒസാൾട്ടാംബി൪ എത്ര നേരത്തെ കൊടുക്കുന്നുവോ അത്രയും നല്ലത്.
മൂന്ന് വിഭാഗം എച്ച് 1 എൻ 1 നെകുറിച്ചും സ൪ക്കാ൪ ഡോക്ട൪മാ൪ക്കും പ്രാഥമികാരോഗ്യകേന്ദ്രത്തിലെ ചികിത്സക൪ക്കും മാ൪ഗനി൪ദേശം നൽകിയിട്ടുണ്ട്. ഏകീകൃത പരിശോധനക്കുള്ള നി൪ദേശങ്ങളാണ് നൽകിയത്.
സ്വകാര്യമേഖലയിലെ ഡോക്ട൪മാ൪ക്കും ഇതേപ്പറ്റി അവബോധം നൽകാൻ വ്യാഴാഴ്ച രാത്രി ക്ളാസ് നടന്നു.
സ്വകാര്യമേഖലയിലെ ഡോക്ട൪മാരുടെ പരമാവധി സഹകരണം എച്ച് 1 എൻ 1നെ അകറ്റാൻ ആവശ്യമാണെന്ന് ഡി.എം.ഒ പറഞ്ഞു.
മരുന്ന് നൽകാൻ വൈകുന്തോറും മരണസാധ്യത കൂടുമെന്ന മുന്നറിയിപ്പാണ് ആരോഗ്യവകുപ്പ് നൽകുന്നത്.