യുവതി മെട്രോ ട്രെയിനില്‍ പ്രസവിച്ചു

ന്യൂദൽഹി: ദൽഹി മെട്രോ ട്രെയിനിൽ 27കാരി പെൺകുഞ്ഞിന് ജന്മം നൽകി. ഹൈദരാബാദ് സ്വദേശിയായ യുവതിയെ പിന്നീട് ആശുപത്രിയിൽ പ്രവേശിപ്പിച്ചു. അമ്മയും കുഞ്ഞും സുഖമായിരിക്കുന്നതായി അധികൃത൪ അറിയിച്ചു. ഞായറാഴ്ച രാവിലെ 7.28നാണ് സംഭവം. യുവതിയെ ആശുപത്രിയിലേക്ക് കൊണ്ടു പോകുംവഴിയാണ് പ്രസവം നടന്നത്. മെട്രോ റെയിൽ കോ൪പറേഷൻ ആസ്ഥാനത്തേക്ക് എൻജിൻ ഡ്രൈവ൪ ഫോണിലൂടെ വിവരം അറിയിക്കുകയായിരുന്നു. ഉടൻ ആംബുലൻസുമായെത്തിയ സംഘം ഇവരെ ആശുപത്രിയിലേക്ക് കൊണ്ടു പോയി. ഇത്തരമൊരു സംഭവം ആദ്യമായാണെന്ന് മെട്രോ ട്രെയിൻ അധികൃത൪ അറിയിച്ചു.