വിജയ രഹസ്യം ഇന്ത്യന്‍ ജഴ്സി -കോഹ്ലി

ഹംബൻടോട്ട: ഇന്ത്യൻ ജഴ്സിയണിയുന്നതാണ് മികച്ച പ്രകടനം പുറത്തെടുക്കാൻ തന്നെ പ്രചോദിപ്പിക്കുന്ന ഘടകമെന്ന് വിരാട് കോഹ്ലി. ശ്രീലങ്കക്കെതിരായ ഒന്നാം ഏകദിന മത്സരത്തിന് ശേഷമാണ് കോഹ്ലി തൻെറ വിജയ രഹസ്യം വെളിപ്പെടുത്തിയത്.
ഇന്ത്യൻ ജഴ്സിയണിയുന്നത് മികച്ച പ്രകടനം നടത്താനുള്ള പ്രോത്സാഹനം നൽകും. ജഴ്സിയണിയുന്നത് വലിയ ഉത്തരവാദിത്തമാണെന്നും അതിനാൽ മികച്ച പ്രകടനം പുറത്തെടുക്കേണ്ടി വരുമെന്നും കോഹ്ലിപറഞ്ഞു. ശ്രീലങ്കക്കെതിരായ ഒന്നാം ഏകദിനത്തിൽ കോഹ്ലിയുടെ സെഞ്ച്വറി പ്രകടനത്തിൻെറ മികവിലാണ് ഇന്ത്യ 21 റൺസിൻെറ ജയം സ്വന്തമാക്കിയത്. കോഹ്ലിയുടെ 12ാമത്തെ സെഞ്ച്വറിയാണ്കഴിഞ്ഞ ദിവസം ഹംബൻടോട്ടയിൽ പിറന്നത്.