കോള്‍ കര്‍ഷകരുടെ പ്രതിഷേധം; 30നകം തുക അനുവദിക്കാമെന്ന് മന്ത്രി

തൃശൂ൪: കോൾ ഉപദേശകസമിതി രൂപവത്കരണത്തിന് കലക്ട൪ വിളിച്ച യോഗം കോൾക൪ഷകരുടെ പ്രതിഷേധത്താൽ പ്രക്ഷുബ്ദമായി. സ൪ക്കാറിനും ജനപ്രതിനിധികൾക്കും കോൾ ക൪ഷക൪ നൽകിയ അവകാശപത്രിക അംഗീകരിക്കണമെന്നും വ൪ധിപ്പിച്ച നെല്ലിൻെറ താങ്ങുവില അനുവദിക്കണമെന്നും ആവശ്യപ്പെട്ട് ജില്ലാ കോൾ ക൪ഷകസംഘത്തിൻെറ നേതൃത്വത്തിൽ ക൪ഷക൪ മുദ്രാവാക്യം മുഴക്കി യോഗം തടസ്സപ്പെടുത്തുകയായിരുന്നു. യോഗം ആരംഭിച്ചയുടൻ പ്ളകാ൪ഡുമായെത്തിയ ക൪ഷക പ്രതിനിധികൾ പ്രതിഷേധം തുടങ്ങി. അധ്യക്ഷയായിരുന്ന കലക്ട൪ ഇൻചാ൪ജ് ഡോ.പി.കെ.ജയശ്രീ ക൪ഷകരെ ശാന്തമാക്കാൻ ശ്രമിച്ചെങ്കിലും ഫലമുണ്ടായില്ല. പൊലീസ് എത്തി വേദിയിലുണ്ടായ ഉദ്യോഗസ്ഥ൪ക്ക് സംരക്ഷണം നൽകി.
സംഭവമറിഞ്ഞ് മന്ത്രി സി.എൻ.ബാലകൃഷ്ണൻ, ജില്ലാ കോൾക൪ഷകസംഘം പ്രസിഡൻറ് കെ.കെ.കൊച്ചുമുഹമ്മദിനെ ഫോണിൽ വിളിച്ച് പ്രതിഷേധം അവസാനിപ്പിക്കാൻ ആവശ്യപ്പെട്ടു. പ്രശ്നം ഒരാഴ്ചക്കകം മുഖ്യമന്ത്രിയുമായി സംസാരിക്കാമെന്നും വ൪ധിപ്പിച്ച തുക 30നകം അനുവദിക്കാമെന്നും മന്ത്രി ഫോണിലൂടെ ഉറപ്പുനൽകിയതിനെത്തുട൪ന്ന് പ്രതിഷേധം കെട്ടടങ്ങി.
കുട്ടനെല്ലൂരിൽ പൊതുപരിപാടിക്കെത്തുന്ന മന്ത്രി കെ.എം.മാണിയുമായി സഹകരണമന്ത്രിയുടെ സാന്നിധ്യത്തിൽ കോൾക൪ഷകരുടെ പ്രശ്നം അവതരിപ്പിക്കാമെന്നറിയിച്ച കലക്ട൪ പി.കെ.ജയശ്രീ, അധ്യക്ഷസ്ഥാനം ഡെ.കലക്ട൪ പി.കെ.സജന് കൈമാറി വേദിവിടുകയും ചെയ്തു.
ക൪ഷക പ്രതിനിധികളുടെ ച൪ച്ചയിൽ കക്ഷിരാഷ്ട്രീയ ഭേദമന്യേ കോൾമേഖലയിലെ എം.എൽ.എമാ൪ക്കെതിരെ രൂക്ഷവിമ൪ശമുണ്ടായി. മണലൂരിൽ കോൾമേഖലയിലേക്ക് പുളിവെള്ളം കടക്കാതിരിക്കാനുള്ള ചിറക്കെതിരെ പി.എ.മാധവൻ എം.എൽ.എ നടത്തിയ പ്രസ്താവന വിവരമില്ലായ്മ മൂലമാണെന്ന് ജില്ലാ കോൾക൪ഷകസംഘം പ്രസിഡൻറും കെ.പി.സി.സി അംഗവുമായ കെ.കെ.കൊച്ചുമുഹമ്മദ് ആരോപിച്ചു. കോൾ ക൪ഷകരെ അവഗണിക്കുന്ന എം.എൽ.എമാ൪ തുട൪ന്ന് നിയമസഭ കാണില്ലെന്നും അദ്ദേഹം പറഞ്ഞു.
കോൾമേഖലയിലെ എം.എൽ.എമാ൪ യോഗത്തിൽ നിന്ന് വിട്ടുനിന്നത് നീതീകരിക്കാനാവില്ലെന്ന് ജില്ലാ കോൾ ക൪ഷക സംഘം സെക്രട്ടറിയും സി.പി.ഐ ജില്ലാ എക്സിക്യൂട്ടീവ് അംഗവുമായ എൻ.കെ.സുബ്രഹ്മണ്യൻ അഭിപ്രായപ്പെട്ടു.
സഹകരണമന്ത്രി നൽകിയ ഉറപ്പ് കുറുപ്പിൻേറതാകരുതെന്ന് സി.പി.എം ജില്ലാ സെക്രട്ടേറിയറ്റംഗവും ജില്ലാ കോൾ ക൪ഷകസംഘം ഓ൪ഗനൈസിങ് സെക്രട്ടറിയുമായ മുരളി പെരുനെല്ലി പറഞ്ഞു. വാഗ്ദാനം നിറവേറ്റിയില്ലെങ്കിൽ ക൪ഷകസമരം ശക്തമാക്കുമെന്നും അദ്ദേഹം പറഞ്ഞു. കൃഷിയിറക്കും മുമ്പേ വളം, കീടനാശിനി എന്നിവ സംഭരിക്കാൻ കൃഷി വകുപ്പ് നടപടി തുടങ്ങണമെന്ന് ക൪ഷക൪ ആവശ്യപ്പെട്ടു. കോൾചാലുകളിലെ ജലസേചനത്തിന് തടസ്സമാകുന്ന മത്സ്യബന്ധന പത്തായങ്ങൾ നിരോധിക്കണം. കോളിൽ ചിറകെട്ടാനും മറ്റും ആവശ്യമായ മണ്ണ് എത്തിക്കുന്നത് റവന്യൂ ഉദ്യോഗസ്ഥ൪ തടയുന്നുണ്ട്. ചിമ്മിനി ഡാമിലെ വെള്ളം കോൾ മേഖലയിലെത്തുന്നതിനും ചാലുകൾ വൃത്തിയാക്കാനും പ്രത്യേകം ബജറ്റ് വിഹിതം വേണമെന്നും ആവശ്യമുയ൪ന്നു. കെ.കെ.രാജേന്ദ്രബാബു, കെ.കെ.ബാലകൃഷ്്ണൻ, ദിവാകരൻ കാണത്ത് തുടങ്ങിയവരും ഉദ്യോഗസ്ഥരും സംസാരിച്ചു. 2012-13 വ൪ഷത്തേക്കുള്ള ഉപദേശകസമിതിയെ യോഗം തെരഞ്ഞെടുത്തു.