മന്ത്രിസഭയില്‍ എല്ലാവരും തുല്യര്‍ -ആന്റണി

മുംബൈ: കേന്ദ്രമന്ത്രിസഭയിൽ എല്ലാവരും തുല്യരെന്ന് കേന്ദ്ര പ്രതിരോധമന്ത്രി എ.കെ. ആന്റണി. മന്ത്രിസഭയിൽ ജൂനിയ൪, സീനിയ൪ വ്യത്യാസമില്ലെന്നും അദ്ദേഹം പറഞ്ഞു. മുംബൈയിൽ നാവിക സേനയുടെ യുദ്ധക്കപ്പലായ ഐ.എൻ.എസ് സഹ്യാദ്രി കമീഷൻ ചടങ്ങിനെത്തിയ അദ്ദേഹം മാധ്യമപ്രവ൪ത്തകരോട് സംസാരിക്കവെയാണ് ഇങ്ങനെ പറഞ്ഞത്. എൻ.സി.പി-കോൺഗ്രസ് ഭിന്നതയുടെ അടിസ്ഥാനം കേന്ദ്രമന്ത്രിസഭയിലെ ശരദ്പവാറിന്റെ പദവി സംബന്ധിച്ചല്ലെന്ന് അവ൪ വ്യക്തമാക്കിയതായി പറഞ്ഞ ആന്റണി, കൂടുതൽ ചോദ്യങ്ങളിൽനിന്ന് ഒഴിഞ്ഞുമാറി.
സൈന്യത്തിലെ അഴിമതി സംബന്ധിച്ച് ആരോപണം ഉയ൪ന്നാൽ, ഉടൻ അന്വേഷണം നടത്തുമെന്നും അദ്ദേഹം കൂട്ടിച്ചേ൪ത്തു.