സംസാരത്തെ പിന്നിലാക്കി ‘മെസേജിങ്’

ലണ്ടൻ: ആശയവിനിമയ ഉപാധിയെന്ന നിലയിൽ ബ്രിട്ടനിൽ സംഭാഷണത്തെ പിന്നിലാക്കി ടെക്സ്റ്റ് മെസേജിങ് കൂടുതൽ ജനപ്രിയമാകുന്നതായി റിപ്പോ൪ട്ട്. ബ്രിട്ടനിൽ ഒരാൾ ഒരാഴ്ചയിൽ ശരാശരി 50 മെസേജുകൾ അയക്കുന്നതായി ഓഫ്കോം നടത്തിയ പഠനത്തിൽ കണ്ടെത്തി.
കൗമാരപ്രായക്കാരും യുവാക്കളുമാണ് മെസേജിങ്ങിനെ ആശയവിനിമയത്തിനായി കൂടുതൽ ആശ്രയിക്കുന്നത്. 16-29 പ്രായക്കാ൪ക്കിടയിൽ 90 ശതമാനം പേരും സംഭാഷണത്തേക്കാൾ മെസേജിങ്ങിനാണ് ഊന്നൽ നൽകുന്നത്. ഈ ഗ്രൂപ്പിൽ ദിനേന ഫോണിൽ സംഭാഷണം നടത്തുന്നവ൪ 67 ശതമാനം മാത്രമാണ്. ഇൻറ൪നെറ്റ് സൗകര്യമുള്ള സ്മാ൪ട്ട് ഫോൺ, ലാപ്ടോപ് തുടങ്ങിയ ആറു വീതം ഇലക്ട്രോണിക് ഉപകരണങ്ങൾ കൈവശം വെക്കുന്നവരുടെ എണ്ണം രാജ്യത്ത് 15 ശതമാനമായി ഉയ൪ന്നതായും ഓഫ് കോം കണ്ടെത്തി.