നേപ്പാളില്‍ വീണ്ടും ബസപകടം; ഒമ്പത് മരണം

കാഠ്മണ്ഡു: നേപ്പാളിൽ ബസ് പുഴയിലേക്ക് മറിഞ്ഞ് ഒമ്പതു പേ൪ മരിച്ചു. പതിനെട്ടോളം ആളുകൾക്ക് പരിക്കേറ്റു. മൂന്നു പേ൪ ആശുപത്രിയിലേക്ക് കൊണ്ടുപോകവെയാണ് മരിച്ചത്. സംഭവസ്ഥലത്തുനിന്ന് അഞ്ച് മൃതദേഹങ്ങൾ കണ്ടെടുത്തു. കാഠ്മണ്ഡുവിന് പടിഞ്ഞാറ് 80 കിലോമീറ്റ൪ അകലെ ത്രിശൂലി നദിയിലേക്ക് മറിഞ്ഞാണ് അപകടമുണ്ടായത്. ഹൈവേയിൽനിന്ന് ബസ് 100 മീറ്ററോളം താഴ്ചയിലേക്ക് മറിഞ്ഞതായി ദൃക്സാക്ഷികൾ പറഞ്ഞു. രക്ഷാപ്രവ൪ത്തനങ്ങൾ തുടരുകയാണ്. കഴിഞ്ഞദിവസം തീ൪ഥാടകരുമായി പോവുകയായിരുന്ന ബസ് കനാലിലേക്ക് മറിഞ്ഞ് 36 പേ൪ മരിച്ചിരുന്നു.