മെട്രോ: സ്ഥല വില 75 ലക്ഷമാക്കാന്‍ തയാറെന്ന് ഉടമകള്‍

കൊച്ചി: കൊച്ചി മെട്രോ റെയിൽ അനുബന്ധ പദ്ധതികൾക്ക് ഏറ്റെടുക്കുന്ന സ്ഥലവില സംബന്ധിച്ച ത൪ക്കത്തിൽ വിട്ടുവീഴ്ച ചെയ്യാൻ തയാറാണെന്ന് സ്ഥല ഉടമകൾ. സ്ഥലം വിട്ടുകൊടുക്കേണ്ടിവരുന്ന ബാന൪ജി റോഡ്, എം.ജി റോഡ്, സൗത് റെയിൽവേ സ്റ്റേഷൻ റോഡ് എന്നിവിടങ്ങളിലെ ഭൂവുടമകളുടെ യോഗമാണ് വിലയിൽ വിട്ടുവീഴ്ച ചെയ്യാൻ തീരുമാനിച്ചത്.
ഉടമകൾ ഒരു കോടി രൂപ മുതൽ ഒരു കോടി 20 ലക്ഷം രൂപ വരെയാണ് സെൻറിന് ആവശ്യപ്പെട്ടിരുന്നത്. കഴിഞ്ഞ ദിവസം നടന്ന ച൪ച്ചയിൽ വിട്ടുവീഴ്ച വേണമെന്ന് മുഖ്യമന്ത്രി ഉടമകളോട് അഭ്യ൪ഥിച്ചിരുന്നു. തുട൪ന്ന് ശനിയാഴ്ച എറണാകുളം ദ൪ബാ൪ റസിഡൻസിയിൽ സ്ഥല ഉടമകളുടെ യോഗം ചേരുകയായിരുന്നു. സെൻറിന് 75 ലക്ഷം രൂപ നൽകിയാൽ മതിയെന്നാണ് ഉടമകൾ പറയുന്നത്. ഒരു കോടിയിൽ നിന്ന് 25 ലക്ഷം രൂപയുടെ വിട്ടുവീഴ്ച ഉടമകൾ ചെയ്തതായും തുട൪ നടപടി സ൪ക്കാ൪ അനുഭാവപൂ൪വം കൈക്കൊള്ളണമെന്നും ഇവ൪ ആവശ്യപ്പെട്ടു. നഗരത്തിൽ സെൻറിന് ഒരു കോടിക്ക് മേലാണ് വിൽപ്പന വിലയെന്നാണ് ഉടമകളുടെ അവകാശവാദം. സമീപകാലത്ത് നടന്ന സ്ഥലമിടപാടുകളുടെ പ്രമാണമടക്കമുള്ളവ ഇതിന് തെളിവായി മുഖ്യമന്ത്രിക്ക് കൈമാറിയിട്ടുണ്ട്. ആവശ്യം അംഗീകരിക്കാതെ പൊന്നുംവില പ്രകാരം സ്ഥലം ഏറ്റെടുക്കലുമായി ജില്ലാ ഭരണകൂടം മുന്നോട്ടുപോയാൽ നിയമ നടപടികൾ സ്വീകരിക്കാനും തീരുമാനമായിട്ടുണ്ട്.
പദ്ധതിക്കായി എൽ.എ പ്രകാരം എം.ജി റോഡിൽ സെൻറിന് 31 ലക്ഷം രൂപയും, ബാന൪ജി റോഡിൽ 26 ലക്ഷം രൂപയും സൗത് റെയിൽവേ സ്റ്റേഷൻ റോഡിൽ 35 ലക്ഷം രൂപയുമാണ് ജില്ലാ ഭരണകൂടം നി൪ണയിച്ചിരിക്കുന്ന വില. ഇത് പോരെന്നാണ് ഉടമകളുടെ വാദം. ത൪ക്കത്തെ തുട൪ന്ന് സ്ഥലം ഏറ്റെടുക്കൽ പ്രവ൪ത്തികൾ നിലച്ചിരിക്കുകയായിരുന്നു. ഇതിനത്തെുട൪ന്ന് പൊന്നും വില പ്രകാരം സ്ഥലം ഏറ്റെടുക്കൽ നടപടികളുമായി ജില്ലാ ഭരണകൂടം മുന്നോട്ടുപോകാൻ തീരുമാനിച്ചു. ഇതിനിടെയാണ് കഴിഞ്ഞ ദിവസം ഹൈബി ഈഡൻ എം.എൽ.എയുടെ നേതൃത്വത്തിൽ സ്ഥലം ഉടമകളുമായി മുഖ്യമന്ത്രി ച൪ച്ച നടത്തിയത്.
ഏറ്റെടുക്കുന്ന സ്ഥലത്തിൻെറ ശരിയായ വില കേന്ദ്രമന്ത്രി കെ.വി. തോമസും ഹൈബി ഈഡൻ എം.എൽ.എയോടും ച൪ച്ച ചെയ്ത് ധാരണയിലത്തൊനും ജില്ലാ കലക്ട൪ക്ക് മുഖ്യമന്ത്രി നി൪ദേശം നൽകിയിരുന്നു. ബാന൪ജി റോഡ് 22 മീറ്റ൪ വീതിയിലും സൗത് റെയിൽവേ സ്റ്റേഷൻ റോഡ് 18 മീറ്റ൪ വീതിയിലും വികസിപ്പിക്കാനുമാണ് സ്ഥലം ഏറ്റെടുക്കുന്നത്. മെട്രോ റെയിലിൻെറ അനുബന്ധ ഗതാഗത വികസന പ്രവ൪ത്തനങ്ങൾക്കായി സ൪ക്കാ൪ അനുവദിച്ച 30 കോടി ഉടൻ കൊച്ചി മെട്രോ റെയിൽ അധികൃത൪ക്ക് കൈമാറുമെന്ന് ജില്ലാ കലക്ട൪ പി.ഐ. ഷെയ്ഖ് പരീത് അറിയിച്ചു.