യൂത്ത് ലീഗ് നേതാവിന് വെട്ടേറ്റ സംഭവം: മൂന്ന് സി.പി.എം പ്രവര്‍ത്തകര്‍ അറസ്റ്റില്‍

ഇരിട്ടി: തില്ലങ്കേരി പഞ്ചായത്ത് യൂത്ത്ലീഗ് ജോ.സെക്രട്ടറി കാവുമ്പടിയിലെ കെ. ഷഹീറിനെ വെട്ടി പരിക്കേൽപിച്ച കേസിൽ മൂന്ന് സി.പി.എം പ്രവ൪ത്തകരെ പൊലീസ് അറസ്റ്റ് ചെയ്തു. മുഹമ്മദലി (30), ഷാലു (25), കെ. മൊയ്തീൻ (50) എന്നിവരെയാണ് ഇരിട്ടി എസ്.ഐ കെ.ജെ. ബിനോയ് അറസ്റ്റ് ചെയ്തത്. മറ്റ് പ്രതികൾക്കായി പൊലീസ് തിരച്ചിൽ ഊ൪ജിതമാക്കി. വ്യാഴാഴ്ച രാത്രി ഏഴരയോടെ വീട്ടിൽ നിന്ന് കാവുമ്പടി ടൗണിലേക്ക് പോകവെയാണ് ഷഹീറിനെ ഒരുസംഘമാളുകൾ ആക്രമിച്ചത്. സാരമായി പരിക്കേറ്റ ഷഹീ൪ തലശ്ശേരി ഇന്ദിരാഗാന്ധി ആശുപത്രിയിൽ ചികിത്സയിലാണ്.