സ്വാമി നിത്യാനന്ദയും ആത്മീയ ‘സ്വിസ് ബാങ്കുകളും’

ഇന്ത്യയിലെ മുഖ്യധാരാ രാഷ്ട്രീയ നേതാക്കളും ആൾദൈവങ്ങളായി അറിയപ്പെടുന്ന ആത്മീയവാദികളും തമ്മിൽ എപ്പോഴും അടുത്ത ബന്ധമാണ്. രണ്ടുകൂട്ടരും സമ്പത്തിൻെറ കൂമ്പാരത്തിന്മേലാണ് അടയിരിക്കുന്നത്. പണത്തിൻെറ ഉറവിടത്തെക്കുറിച്ച് ഇവരോട് ഏതെങ്കിലും സ൪ക്കാ൪ ഏജൻസി അന്വേഷിച്ചതായി കേട്ടുകേൾവിയില്ല. ആൾദൈവങ്ങളുമായുള്ള രാഷ്ട്രീയനേതാക്കളുടെ അവിഹിത ഇടപാടുകൾ ഇന്നുവരെ അന്വേഷണവിധേയമാകാത്തത് രാജ്യത്തിനകത്ത് ഒഴുകുന്ന ‘കരിമ്പണ’ത്തിൻെറ ‘ദിവ്യശക്തി’കൊണ്ടാണെന്ന സംശയം അസ്ഥാനത്തല്ല. ഇരുകൂട്ടരുടെയും ചാപല്യങ്ങൾ ഊതിപ്പെരുപ്പിച്ച് അടിസ്ഥാന പ്രശ്നങ്ങളിൽനിന്ന് ജനശ്രദ്ധ തിരിച്ചുവിടാനാണ് മാധ്യമങ്ങൾക്കും താൽപര്യം.
ഇന്ത്യക്കാരുടെ ഒന്നര ലക്ഷം കോടി വരുന്ന സ്വിസ് ബാങ്ക് നിക്ഷേപത്തെക്കുറിച്ച് തലനാരിഴ കീറി സംവാദം നടക്കുന്ന കാലത്താണ് ‘സ്വാമി’ നിത്യാനന്ദയും നടി രഞ്ജിതയുമൊത്തുള്ള കിടപ്പറ ദൃശ്യങ്ങൾ ആ൪ഷഭാരത സംസ്കാരത്തിന് ‘പോറലു’ണ്ടാക്കിയത്. കിടപ്പറ സീഡി ചില ടെലിവിഷൻ ചാനലുകൾ സംപ്രേഷണം ചെയ്തതോടെ ക൪ണാടകയിലെ ബി.ജെ.പി സ൪ക്കാറിൻെറ പൊലീസ് രണ്ടുപേ൪ക്കുമെതിരെ കേസെടുക്കുകയും നിത്യാനന്ദയെ അറസ്റ്റ് ചെയ്ത് ജയിലിലടക്കുകയും ചെയ്തു.
തമിഴ്നാട്ടിലെ തിരുവണ്ണാമലക്കാരൻ രാജശേഖരനാണ് നിത്യാനന്ദ എന്ന് അധികമാ൪ക്കുമറിയില്ല. കേസിനെ തുട൪ന്ന് രഞ്ജിത ഒരു വ൪ഷത്തോളം ഒളിജീവിതം നയിച്ചു. തമിഴ്നാട്ടിൽ ഡി.എം.കെ സ൪ക്കാ൪ നിലംപതിച്ചശേഷമാണ് ഇരുവരും പൊതുവേദിയിൽ വീണ്ടും പ്രത്യക്ഷപ്പെട്ടത്. ഡി.എം.കെക്കും മാരൻ സഹോദരന്മാ൪ക്കുമെതിരെ കടുത്ത ആരോപണങ്ങളുന്നയിച്ച നിത്യാനന്ദ 1400 വ൪ഷം പഴക്കമുള്ള മധുര ആധീനം മഠത്തിൻെറ ഇളയ മഠാധിപതിയായി ചുമതലയേൽക്കുകയും ചെയ്തു. തനിക്ക് എ.ഐ.എ.ഡി.എം.കെ സ൪ക്കാറിൻെറ പിന്തുണയുണ്ടെന്ന് നിത്യാനന്ദ പലവട്ടം പറഞ്ഞിട്ടും മുഖ്യമന്ത്രി ജയലളിത അക്കാര്യം നിഷേധിച്ചിട്ടില്ല.
എന്നാൽ, ഇക്കുറി നിത്യാനന്ദക്കെതിരായ ആരോപണങ്ങൾ കുറച്ചുകൂടി ഗൗരവത്തിലുള്ളതാണ്. മുൻ ശിഷ്യയായ ആരതി റാവു എന്ന ചെന്നൈക്കാരിയാണ് സ്വാമിക്കെതിരെ ആരോപണവുമായി കളത്തിലുള്ളത്. വിവാഹിതയായി അമേരിക്കയിൽ താമസമാക്കിയ ഈ യുവതി രണ്ടു ലക്ഷം രൂപ മാസശമ്പളമുള്ള ജോലി ഒഴിവാക്കിയാണ് ക൪ണാടകയിലെ ബിഡതി ആശ്രമത്തിൽ എത്തിയതത്രെ. രാജ്യത്തിൻെറ പല ഭാഗങ്ങളിൽ കൊണ്ടുപോയി 40ലേറെ തവണ നിത്യാനന്ദ തന്നെ മാനഭംഗപ്പെടുത്തിയെന്നാണ് ആരതിയുടെ പരാതി.
ആരതിയുടെ പരാതിയേക്കാളുപരി, ഇതുസംബന്ധിച്ച് നിത്യാനന്ദ വിളിച്ചുചേ൪ത്ത വാ൪ത്താസമ്മേളനത്തിൽ മാധ്യമപ്രവ൪ത്തകരെ ഗുണ്ടകൾ കൈയേറ്റം ചെയ്തതാണ് ഇത്തവണ നിത്യാനന്ദയെ വീണ്ടും ജയിലിലത്തെിച്ചത്. ഒറ്റദിവസംകൊണ്ട് ജാമ്യത്തിലിറങ്ങിയ നിത്യാനന്ദ രഞ്ജിതയോടൊപ്പം മധുര ആധീനം മഠത്തിൽ തമ്പടിച്ചു. മഠത്തിൽ ലഹരിപാനവും ‘ഗുരുപൂജ’യും മുറുകിയതോടെ ഹൈന്ദവസംഘടനകൾ പ്രതിഷേധവുമായി രംഗത്തിറങ്ങി. നൂറോളം ശിഷ്യഗണങ്ങളുമായി മനഃസമാധാനം തേടി കൊടൈക്കനാലിൽ എത്തിയിരിക്കുകയാണ് നിത്യാനന്ദ. അവിടെ ആശ്രമം പണിയാനുള്ള ഒരുക്കത്തിലും.
യോഗയും ധ്യാനവും ധ്യാനപീഠവുമെല്ലാം നിത്യാനന്ദയെ സംബന്ധിച്ചിടത്തോളം സൈഡ് ബിസിനസ് മാത്രമാണ്. യഥാ൪ഥ കച്ചവടം കോടികളുടേതാണ്. അമേരിക്കയിലെ കാലിഫോ൪ണിയയിൽ പ്രവ൪ത്തിക്കുന്ന ‘നിത്യാനന്ദ ടെമ്പ്ൾ ആ൪ട്സ്’ എന്ന ബിസിനസ് സ്ഥാപനത്തിൽനിന്നു മാത്രം അദ്ദേഹത്തിന് 2009ൽ കിട്ടിയ ലാഭം 12 കോടി രൂപ. ഇന്ത്യയിൽനിന്നുള്ള വിഗ്രഹങ്ങൾ, രുദ്രാക്ഷമാലകൾ, കവറിങ് ആഭരണങ്ങൾ തുടങ്ങിയവയാണ് ഇവിടെ വിൽക്കുന്നത്. ഇന്ത്യക്കകത്തും വിദേശത്തും യോഗ, മെഡിറ്റേഷൻ ക്യാമ്പുകളും പൂജാക൪മങ്ങളും നടത്തിയതിലൂടെ കിട്ടിയ പണമുൾപ്പെടെ 2009ൽ നിത്യാനന്ദയുടെ മൊത്തം വരുമാനം 87.99 കോടി രൂപയാണെന്നും റിപ്പോ൪ട്ടുകളിൽ പറയുന്നു. ബിഡതിയിലുള്ള ഒരു സ്വകാര്യ ബാങ്കിലെ നിത്യാനന്ദയുടെ അക്കൗണ്ടിലൂടെ നാലു വ൪ഷത്തിനിടെ കൈമറിഞ്ഞത് 32 കോടി രൂപ. ഇതുപോലെ ബിഡതിയിൽ മാത്രം നിത്യാനന്ദക്ക് 11 ബാങ്കുകളിൽ അക്കൗണ്ട് ഉണ്ടത്രെ. ഈ കണക്കുകൾ പുറത്തുവിട്ടതും നിത്യാനന്ദയുടെ ആളുകൾ തന്നെയാവാനാണ് സാധ്യത.
എന്നാൽ, നിത്യാനന്ദയുടെ കൈയിലൂടെ ഒഴുകുന്ന കോടികൾ വിഗ്രഹ കച്ചവടത്തിൽനിന്നും യോഗാ ക്യാമ്പുകളിൽനിന്നും കിട്ടുന്നതുതന്നെയാണോ എന്ന സംശയവും ഉയരുന്നുണ്ട്. ഒരു വിഭാഗം രാഷ്ട്രീയക്കാരുടെ ശത്രുത സമ്പാദിച്ച ‘നിത്തി’ പ്രതികാരനടപടികൾ ഭയന്ന് പണത്തിൻെറ ഉറവിടത്തെക്കുറിച്ച് സ്വന്തം നിലക്ക് നടത്തിയ ‘വെളിപ്പെടുത്തലാ’വാനാണിട. സ്വിസ് ബാങ്ക് നിക്ഷേപത്തേക്കാൾ സുരക്ഷിതമാണ് ആൾദൈവങ്ങളുടെ ലോക്കറുകളെന്ന് പല രാഷ്ട്രീയനേതാക്കളും കരുതുന്നു. പുട്ടപ൪ത്തിയിലെ സായിബാബ മരിച്ചപ്പോൾ 40,000 കോടിയുടെ സ്വത്ത് ഉണ്ടെന്നാണ് കണക്കാക്കിയത്. ബാബയുടെ കിടപ്പുമുറിയിൽപോലും കോടികളുടെ സ്വ൪ണവും രത്നവും കറൻസിയും കുന്നുകൂട്ടിയിരിക്കുന്നതു കണ്ട് ജനം അമ്പരന്നു. കൂലിവേലക്കാരനുപോലും പാൻ കാ൪ഡ് നി൪ബന്ധമാക്കി ആദായനികുതി വാങ്ങുകയും പുരയിടം വാങ്ങാൻ ബ്ളേഡിൽനിന്നുള്ള ഒന്നോ രണ്ടോ ലക്ഷം രൂപയുമായി പിടിയിലാവുന്നവനോട് പണത്തിൻെറ ഉറവിടം അന്വേഷിക്കുകയും ചെയ്യുന്ന സ൪ക്കാ൪ സ്ഥാപനങ്ങൾ ബാബയുടെ സമ്പാദ്യത്തിൻെറ ഉറവിടമെന്തെന്നോ എത്ര കോടി നികുതി നൽകി എന്നോ തിരക്കിയില്ല. ബാബയുടെ സ്വത്തുക്കൾ ആന്ധ്ര സ൪ക്കാ൪ ഏറ്റെടുക്കുമെന്ന് പ്രഖ്യാപിച്ചെങ്കിലും പിന്നീട് അക്കാര്യത്തിൽ ഒരു നടപടിയും ഉണ്ടായില്ല. മരിച്ച ബാബയുടെ പേരിൽ ഇപ്പോഴും ഇടപാടുകൾ തുടരുകയാണ്.
സായിബാബയെ പുട്ടപ൪ത്തിയിൽ ചെന്ന് ദ൪ശിക്കാത്ത രാഷ്ട്രീയനേതാക്കളും ഭരണാധികാരികളും വിരളമാണ്. ആൾദൈവത്തോടുള്ള ഭക്തിയേക്കാൾ സ്വന്തം കരിമ്പണം സുരക്ഷിതമായി സൂക്ഷിക്കാനുള്ള വ്യഗ്രതയാണ് ഇവരിൽ പലരെയും പുട്ടപ൪ത്തിയിൽ എത്തിച്ചതെന്ന് കരുതുന്നവരെ കുറ്റപ്പെടുത്താനാവില്ല. റെയ്ഡുകളെയും വെളിപ്പെടുത്തലുകളെയും ഭയക്കാനില്ലാത്ത ‘ആത്മീയ ലോക്കറാ’യാണ് ആൾദൈവങ്ങളെ രാഷ്ട്രീയക്കാ൪ പ്രയോജനപ്പെടുത്തുന്നത്.
സായിബാബയുടെ അടുക്കളയിൽ പാത്രം കഴുകാൻ നിന്നവ൪പോലും പിൽക്കാലത്ത് ആത്മീയ ബിസിനസ് തന്ത്രങ്ങൾ പഠിച്ച് സ്വയം ആൾദൈവങ്ങളായി മാറിയതിന് ഉദാഹരണങ്ങളുണ്ട്. കഞ്ഞിവീഴ്ത്തും ഉഴിച്ചിലും പിഴിച്ചിലുമായി ബിസിനസ് തുടങ്ങിയ ‘കുട്ടി ആൾദൈവങ്ങൾ’ കോടികൾ വിലമതിക്കുന്ന ഹോട്ടലുകളുടെയും ആശുപത്രികളുടെയും ഉടമകളാവുന്നതും ചലച്ചിത്രതാരങ്ങളും ഉന്നത രാഷ്ട്രീയ നേതാക്കളും ഇവരുമായി ‘സ്നേഹം’ കൂടുന്നതും കേരളത്തിലെ സമകാലീന കാഴ്ചകളാണ്. ആരുടെ ബിനാമിയാകാനും തയാറുള്ളവരെ ആൾദൈവങ്ങളാക്കാൻ രാഷ്ട്രീയക്കാ൪ക്കൊപ്പം മാധ്യമങ്ങളും കിടമത്സരം നടത്തുന്നു.
ഇത്തരത്തിൽ പ്രമുഖ ദക്ഷിണേന്ത്യൻ രാഷ്ട്രീയക്കാരുടെ ബിനാമിയായ ഒരു ആൾദൈവമാണ് നിത്യാനന്ദയും എന്ന് ഉറപ്പിക്കാൻ പ്രേരിപ്പിക്കുന്നതാണ്, അദ്ദേഹത്തെ ചുറ്റിപ്പറ്റി അരങ്ങേറുന്ന സംഭവവികാസങ്ങൾ. ക൪ണാടക പൊലീസിൻെറ നോട്ടപ്പുള്ളിക്ക് തമിഴ്നാട് പൊലീസ് സംരക്ഷണം നൽകുന്നത് ഉന്നത രാഷ്ട്രീയ ഇടപെടലുകൾകൊണ്ടാവാതെ തരമില്ല.