തിരൂര്‍ പുഴ സംരക്ഷണത്തിന് ഉന്നത തല യോഗം വിളിക്കണം -താലൂക്ക് വികസന സമിതി

തിരൂ൪: തിരൂ൪-പൊന്നാനിപ്പുഴ മാലിന്യമുക്തമാക്കി സംരക്ഷിക്കാൻ തിരൂ൪ നഗരസഭ, ചെറിയമുണ്ടം, തലക്കാട്, വെട്ടം, പുറത്തൂ൪ പഞ്ചായത്തുകളിലെ പ്രസിഡൻറുമാ൪, രാഷ്ട്രീയ പാ൪ട്ടി പ്രതിനിധികൾ, ഉദ്യോഗസ്ഥ൪ എന്നിവരുടെ ഉന്നതതല യോഗം വിളിച്ചു ചേ൪ക്കണമെന്ന് തിരൂ൪ താലൂക്ക് വികസന സമിതി യോഗം ആവശ്യപ്പെട്ടു.
തിരൂ൪ നഗരത്തിലെ ഹോട്ടലുകളിലും കൂൾബാറുകളിലും ഇഷ്ടാനുസരണം വിലകയറ്റുന്നത് തടയാൻ ന്യായമായ ഏകീകരണം നടപ്പാക്കുക. റേഷൻകടകളിൽ വ്യക്തമായ ബോ൪ഡുകൾ പ്രദ൪ശിപ്പിക്കാൻ സിവിൽ സപൈ്ളസ് അധികൃത൪ ക൪ശന നടപടി സ്വീകരിക്കുക തുടങ്ങിയ ആവശ്യങ്ങളും ഉന്നയിച്ചു.
മൂന്ന് എം.എൽ.എമാരും 15ലേറെ ഗ്രാമപഞ്ചായത്തുകളിലെ പ്രസിഡൻറുമാരും ബ്ളോക്ക് പഞ്ചായത്ത് പ്രസിഡൻറുമാരും വിവിധ വകുപ്പുദ്യോഗസ്ഥരും പങ്കെടുക്കേണ്ട വികസന സമിതി യോഗത്തിൽ പ്രാതിനിധ്യം കുറയുന്നതു സംബന്ധിച്ച് ജില്ലാ കലക്ട൪ക്ക് റിപ്പോ൪ട്ട് നൽകണമെന്ന ആവശ്യവുമുയ൪ന്നു.
കുഞ്ഞു മീനടത്തൂ൪ അധ്യക്ഷത വഹിച്ചു. പുറത്തൂ൪ പഞ്ചായത്ത് പ്രസിഡൻറ് രാജൻ കരേങ്ങൽ, അഡീഷനൽ തഹസിൽദാ൪ എ. സക്കീ൪ ഹുസൈൻ, ഡെപ്യൂട്ടി തഹസിൽദാ൪ ജഗ്ഗിപോൾ, കെ.ടി. ജലീൽ എം.എൽ.എയുടെ പ്രതിനിധി കെ. സെയ്തലവി, പി. കുഞ്ഞിമൂസ, കെ. ബാലൻ, മോനുട്ടി പൊയിലിശേരി, ഇ. മുഹമ്മദ്കുട്ടി, നഗരസഭ ഹെൽത്ത് സൂപ്പ൪വൈസ൪ ടി. സുബ്രഹ്മണ്യൻ, ഹെൽത്ത് ഇൻസ്പെക്ട൪ ഉണ്ണികൃഷ്ണൻ, താനൂ൪ കൃഷി അസി. ഡയറക്ട൪ എ.കെ.ആ൪. പ്രസന്ന, കെ.കെ. അബ്ദുൽ അസീസ് (ഇറിഗേഷൻ), ടി.ജി. ജവഹ൪ (ലീഗൽ മെട്രോളജി), പി. മമ്മി (വാട്ട൪ അതോറിറ്റി) എന്നിവ൪ ച൪ച്ചയിൽ പങ്കെടുത്തു. കെ.വി. ലതിക റിപ്പോ൪ട്ട് വായിച്ചു.