മാലിന്യം: എട്ടേനാല്‍ ടൗണ്‍ നാറുന്നു

വെള്ളമുണ്ട: മഴക്കാല ശുചീകരണത്തിനായി വൻതുക ചെലവഴിക്കുമ്പോഴും എട്ടേനാൽ ടൗൺ ചീഞ്ഞുനാറുന്നു. വെള്ളമുണ്ട പഞ്ചായത്ത് കെട്ടിടത്തിനരികിൽ മൊതക്കര റോഡിൽ ഓട്ടോ സ്റ്റാൻഡിൽ കുന്നുകൂടിയ മാലിന്യമാണ് പക൪ച്ചവ്യാധി ഭീഷണിയുയ൪ത്തുന്നത്. കടകളിൽ നിന്നുള്ളവയും മത്സ്യ-മാംസ മാലിന്യവും തള്ളുന്നുണ്ട്. ടൗണിലെ പള്ളിയുടെ കിണറിനും ഹോട്ടലുകളിലേക്ക് വെള്ളമെടുക്കുന്ന കിണറിനും അരികിലാണ് ഇത്. മാസങ്ങളായി മാലിന്യം നീക്കം ചെയ്യുന്നില്ല.