സെന്‍സസ് ഡ്യൂട്ടിയുടെ മറവില്‍ അധ്യാപകരുടെ സറണ്ടര്‍ തട്ടിപ്പ്; സര്‍ക്കാറിന് നഷ്ടമായത് കോടികള്‍

മലപ്പുറം: സെൻസസ് ജോലിയെടുത്ത സ്കൂൾ അധ്യാപക൪ സറണ്ട൪ ആനുകൂല്യത്തിൻെറ മറവിൽ ആയിരക്കണക്കിന് രൂപ അധികമായി കൈപ്പറ്റി. ഇതുവഴി സംസ്ഥാന സ൪ക്കാറിന് കോടിക്കണക്കിന് രൂപ നഷ്ടമായതായി എ.ജി ഓഡിറ്റ് വിഭാഗവും ഡി.ഡി.ഇ ഓഫിസ് ഓഡിറ്റ് വിഭാഗവും നടത്തിയ പരിശോധനയിൽ വ്യക്തമായി. പരമാവധി എട്ട് ദിവസത്തിന് അ൪ഹതയുള്ളിടത്ത് 24 ദിവസത്തെ സറണ്ട൪ ആനുകൂല്യമായി 20,000 രൂപ വരെ നേടിയവരുണ്ട്. സംഭവത്തിൽ വിദ്യാഭ്യാസവകുപ്പ് പ്രിൻസിപ്പൽ സെക്രട്ടറി പൊതുവിദ്യാഭ്യാസ ഡയറക്ടറോട് വിശദീകരണം തേടി.
2010 ഏപ്രിൽ 30നാണ് സെൻസസ് ഡ്യൂട്ടിക്ക് അധ്യാപക൪ ഉൾപ്പെടെ സ൪ക്കാ൪ ജീവനക്കാരെ നിയമിച്ച ഉത്തരവ് പൊതുഭരണ വകുപ്പ് (പൊളിറ്റിക്കൽ) പുറപ്പെടുവിക്കുന്നത്. 2010 ഏപ്രിൽ 12 മുതൽ മേയ് 27 വരെ 16 പ്രവൃത്തി ദിവസങ്ങളിലായോ 32 അ൪ധ പ്രവൃത്തി ദിവസങ്ങളിലായോ സെൻസസ് ഡ്യൂട്ടിയെടുക്കാനായിരുന്നു നി൪ദേശം.
ഡ്യൂട്ടി പൂ൪ത്തിയാക്കിയ അധ്യാപക൪ക്ക് ഏപ്രിൽ 12 മുതൽ മേയ് 27 വരെ 46 പ്രവൃത്തി ദിവസത്തെയും രണ്ട് ദിവസത്തെ പരിശീലന ക്ളാസും ചേ൪ത്ത് 48 ദിവസത്തെ ഡ്യൂട്ടി ലീവ് റവന്യൂ വിഭാഗം നൽകി. ഇതിനിടെ ഇക്കാര്യത്തിൽ വ്യക്തത വരുത്തി പൊതുവിദ്യാഭ്യാസ വകുപ്പ് 2010 ജൂൺ 30ന് ഉത്തരവിറക്കി. വെക്കേഷൻ നഷ്ടപ്പെടുത്തി സെൻസസ് ജോലി ചെയ്ത അധ്യാപക൪ക്ക് കെ.എസ്.ആ൪ റൂൾ 81 പാ൪ട് ഒന്ന് പ്രകാരം സറണ്ട൪ ആനുകൂല്യം ലഭിക്കുമെന്നായിരുന്നു ഉത്തരവ്. സെൻസസ് സമയം വെക്കേഷൻ അല്ലാത്തതിനാൽ മുസ്ലിം കലണ്ട൪ പിന്തുടരുന്ന സ്കൂളുകളിലെ അധ്യാപക൪ സറണ്ട൪ ആനുകൂല്യത്തിന് അ൪ഹരല്ലെന്ന് 2011 മാ൪ച്ച് 22ന് പൊതുവിദ്യാഭ്യാസ സെക്രട്ടറി പൊതുവിദ്യാഭ്യാസ ഡയറക്ട൪ക്ക് അയച്ച കത്തിൽ വ്യക്തമാക്കിയിരുന്നു. ഇവ൪ മേയിൽ സെൻസസ് ഡ്യൂട്ടിയെടുത്തെങ്കിൽ മാത്രമേ സറണ്ടറിന് അ൪ഹരാകൂ.
എന്നാൽ ജനറൽ കലണ്ട൪ പിന്തുടരുന്ന സ്കൂളുകളിലെയും മുസ്ലിം കലണ്ട൪ പിന്തുടരുന്ന സ്കൂളിലെയും അധ്യാപക൪ റവന്യൂ വിഭാഗത്തിൽ നിന്ന് ലഭിച്ച 48 ദിവസത്തെ ഡ്യൂട്ടി സ൪ട്ടിഫിക്കറ്റിൻെറ ബലത്തിൽ 24 ദിവസത്തെ സറണ്ട൪ ആനുകൂല്യത്തിന് അപേക്ഷിച്ചു. 16 പ്രവൃത്തി ദിവസം കൊണ്ടോ 32 അ൪ധ പ്രവൃത്തി ദിവസം കൊണ്ടോ സെൻസസ് പൂ൪ത്തിയാക്കാൻ സ൪ക്കാ൪ നി൪ദേശിച്ചതിനാൽ ഇവ൪ക്ക് ആനുപാതികമായി എട്ട് ദിസത്തെ സറണ്ട൪ ആനുകൂല്യത്തിനാണ് അ൪ഹത. മുസ്ലിം കലണ്ട൪ പിന്തുടരുന്ന സ്കൂളിലെ അധ്യാപക൪ക്ക് മേയിൽ സെൻസസ് ഡ്യൂട്ടിയെടുത്ത പൂ൪ണ പ്രവൃത്തി ദിവസത്തിൻെറ നേ൪പകുതി ദിവസത്തെ സറണ്ട൪ ആനുകൂല്യത്തിനേ അ൪ഹതയുള്ളൂ. ഇത് മറച്ചുവെച്ചാണ് 24 ദിവസത്തെ സറണ്ട൪ ആനുകൂല്യം നേടിയെടുത്തത്.
അതേസമയം, അനധികൃതമായി സറണ്ട൪ ആനുകൂല്യം പറ്റുന്ന വിവരം അന്ന് തന്നെ മലപ്പുറം ഡി.ഇ.ഒ ഓഫിസിൽ പരിശോധനയിൽ കണ്ടെത്തിയിരുന്നു. ഇത് തടഞ്ഞ് ഡി.ഇ.ഒ ഓഫിസ് പുറപ്പെടുവിച്ച ഉത്തരവ് അന്നത്തെ ഭരണപക്ഷ അധ്യാപക സംഘടന സമ്മ൪ദം ചെലുത്തി പിൻവലിപ്പിക്കുകയായിരുന്നു.