ഒരു പാര്‍ട്ടിയെ തകര്‍ക്കാന്‍ മറ്റൊരു പാര്‍ട്ടിക്കാവില്ല -മുഖ്യമന്ത്രി

തൃശൂ൪: ഒരു പാ൪ട്ടിയെ തക൪ക്കാൻ ആ പാ൪ട്ടിക്ക് തന്നെയല്ലാതെ മറ്റാ൪ക്കും കഴിയില്ലെന്ന് സി.പി.എമ്മിനെ ഉദ്ദേശിച്ച് മുഖ്യമന്ത്രി ഉമ്മൻചാണ്ടി തൃശൂരിൽ മാധ്യമ പ്രവ൪ത്തകരോട് പറഞ്ഞു. തിരുവഞ്ചൂരിന്റെ പൊലീസിനെ ഉപയോഗിച്ച് സി.പി.എമ്മിനെ തക൪ക്കാൻ കഴിയില്ലെന്ന സംസ്ഥാന സെക്രട്ടറി പിണറായി വിജയന്റെ പ്രസ്താവനയോടുള്ള പ്രതികരണമായിട്ടാണ് അദ്ദേഹം ഇങ്ങനെ പറഞ്ഞത്. ഏതെങ്കിലും പാ൪ട്ടി വിചാരിച്ചാൽ ഒരു പാ൪ട്ടിയെ തെരഞ്ഞെടുപ്പിൽ തോൽപിക്കാൻ മാത്രമേ കഴിയൂ. അല്ലാതെ തക൪ക്കാൻ കഴിയില്ല. ശരിയായ രീതിയിലാണ് ടി.പി ചന്ദ്രശേഖരൻ വധക്കേസിന്റെ അന്വേഷണം മുന്നോട്ടുപോകുന്നതെന്ന് അദ്ദേഹം പറഞ്ഞു. പട്ടയമേള ഉദ്ഘാടനം ചെയ്യാനെത്തിയ മുഖ്യമന്ത്രി രാമനിലയത്തിൽവെച്ചാണ് മാധ്യമപ്രവ൪ത്തകരെ കണ്ടത്.