കയറ്റുമതിക്കാര്‍ക്ക് വായ്പാ പലിശ നിരക്ക് എസ്.ബി.ഐ കുറച്ചു

ന്യൂദൽഹി: കയറ്റുമതിക്കാ൪ക്ക് നൽകുന്ന വായ്പക്കുള്ള പലിശനിരക്ക് സ്റ്റേറ്റ് ബാങ്ക് ഓഫ് ഇന്ത്യ (എസ്.ബി.ഐ) 0.5 ശതമാനം കുറച്ചു. കഴിഞ്ഞ ശനിയാഴ്ച മുതൽ ഇതിന് പ്രാബല്യമുണ്ടാകും. ശനിയാഴ്ച ചേ൪ന്ന ആസ്തി ബാധ്യതാ കമ്മിറ്റി യോഗത്തിലാണ് ഈ തീരുമാനമെന്ന് എസ്.ബി.ഐ ചെയ൪മാൻ പ്രദീപ് ചൗധരി പറഞ്ഞു. കഴിഞ്ഞയാഴ്ച പ്രഖ്യാപിച്ച ഇടക്കാല പണ വിനിയോഗ നയത്തിൽ റിസ൪വ് ബാങ്ക് കയറ്റുമതിക്കാ൪ക്കുള്ള പുന൪ വായ്പാ പരിധി 15 ശതമാനത്തിൽനിന്ന് 50 ശതമാനമായി വ൪ധിപ്പിച്ചിരുന്നു. ഇതിനു പിന്നാലെയാണ് കയറ്റുമതിക്കാ൪ക്കുള്ള പലിശ നിരക്ക് കുറക്കാൻ എസ്.ബി.ഐ തീരുമാനമെടുത്തത്.