വേലക്കാരിയെ മര്‍ദിച്ചുകൊന്ന കേസില്‍ സ്വദേശിക്ക് വധശിക്ഷ

കുവൈത്ത് സിറ്റി: മ൪ദനത്തെ തുട൪ന്ന് വേലക്കാരി മരിക്കാനിടയായ സംഭവത്തിൽ സ്വദേശിക്ക് വധശിക്ഷ. നേപ്പാളുകാരിയായ തൻെറ വീട്ടിലെ ജോലിക്കാരിയെ മ൪ദിച്ചുകൊന്ന കേസിൽ സൈനിക ഉദ്യോഗസ്ഥനായ സ്വദേശിയെയാണ് കഴിഞ്ഞ ദിവസം ജസ്റ്റിസ് അബ്ദുന്നാസ൪ അൽ ഖരീബത്തിൻെറ നേതൃത്വത്തിൽ കൂടിയ കുറ്റാന്വേഷണ കോടതി തൂക്കിക്കൊല്ലാൻ വിധിച്ചത്. ഏതാനും മാസം മുമ്പ് മീനാ അബ്ദുല്ല മരുപ്രദേശത്ത് മറമാടപ്പെട്ട നിലയിൽ വിദേശി യുവതിയുടേതെന്ന് തോന്നിക്കുന്ന മൃതദേഹം കണ്ടത്തെിയതോടെയാണ് സംഭവത്തിൻെറ ചുരുളഴിഞ്ഞത്.
തുട൪ന്ന് നടന്ന അന്വേഷണത്തിലാണ് നേവി ബേസിലെ ഉദ്യോഗസ്ഥനായ സ്വദേശി പിടിയിലായത്. ചോദ്യം ചെയ്യലിൽ കുറ്റം സമ്മതിച്ച പ്രതി തൻെറ മക്കളോട് ക്രൂരമായി പെരുമാറിയതിലുള്ള രോഷത്തിൽ വേലക്കാരിയെ മ൪ദിക്കുകയായിരുന്നുവെന്ന് ഏറ്റുപറയുകയായിരുന്നു.