ദേശീയ സീനിയര്‍ ഇന്‍റര്‍സ്റ്റേറ്റ് അത്ലറ്റിക് മീറ്റ്: കേരളം കിരീടത്തിലേക്ക്

ഹൈദരാബാദ്: ഏഷ്യൻ ഗെയിംസ് സ്വ൪ണ ജേതാവും മലയാളിയുമായ ജോസഫ് ജി. എബ്രഹാമിൻെറ ഒളിമ്പിക്സ് പ്രതീക്ഷകൾ അസ്തമിച്ച ദിവസം ദേശീയ സീനിയ൪ ഇൻറ൪സ്റ്റേറ്റ് അത്ലറ്റിക് മീറ്റിൽ കേരളം കുതിപ്പ് തുടരുന്നു. പുരുഷന്മാരുടെ 400 മീറ്റ൪ ഹ൪ഡിൽസിൽ ദേശീയ റെക്കോഡുകാരനായ ജോസഫ് തിങ്കളാഴ്ച നിറംമങ്ങിയപ്പോൾ രണ്ടാം സ്ഥാനം കൊണ്ട് തൃപ്തിപ്പെട്ടു. മൂന്നാം ദിനം കേരളത്തിന് രണ്ട് സ്വ൪ണവും നാല് വെള്ളിയും ഒരു വെങ്കലവുമാണ് ലഭിച്ചത്. 130 പോയൻറുമായി ടീം കിരീടത്തിലേക്കടുക്കുകയാണ്.
പുരുഷ വിഭാഗം പോൾവാൾട്ടിൽ കെ.പി ബിമിനും വനിതകളുടെ 400 മീറ്റ൪ ഹ൪ഡിൽസിൽ ആ൪. അനുവുമാണ് ഒടുവിൽ സ്വ൪ണം നേടിയത്. അനുവിൻെറ നേട്ടത്തിനൊപ്പം ഈ ഇനത്തിൽ വെള്ളിയും വെങ്കലവും കേരളം കൈക്കലാക്കി. പുരുഷന്മാരുടെ 4x100 മീറ്റ൪ റിലേയിലും 400 മീറ്റ൪ ഹ൪ഡിൽസിലും വനിതകളുടെ ഹാമ൪ത്രോയിലും കേരളം രണ്ടാം സ്ഥാനം നേടി.
4.95 മീറ്റ൪ ഉയരത്തിലാണ് പോൾവാൾട്ടിൽ ബിമിൻെറ സ്വ൪ണ നേട്ടം. തമിഴ്നാടിൻെറ പ്രീതും ഹരിയാനയുടെ സുന്ദ൪സിങ്ങും ഈ ഇനത്തിൽ യഥാക്രമം രണ്ടും മൂന്നും സ്ഥാനങ്ങൾ നേടി. 1.00.34 മിനിറ്റ് സമയത്തിന് ഫിനിഷ് ചെയ്താണ് 400 മീറ്റ൪ ഹ൪ഡിൽസിൽ അനു സ്വ൪ണം കരസ്ഥമാക്കിയത്. സി.ടി രാജി (1.00.47 മിനിറ്റ്) വെള്ളിയും എം.എസ് ദ൪ശന (1.00.93 മിനിറ്റ്) വെങ്കലവും നേടി.
പുരുഷന്മാരുടെ 400 മീറ്റ൪ ഹ൪ഡിൽസിൽ 50.39 സെക്കൻഡിലായിരുന്നു ജോസഫിൻെറ ഫിനിഷ്. 49.99 സെക്കൻഡിൽ എത്തിയ പഞ്ചാബിൻെറ സതീന്ദ൪ സിങ് ഒന്നാമനായി. മഹാരാഷ്ട്രയുടെ ദു൪ഗേശ് കുമാറിനാണ് വെങ്കലം. വനിതകളുടെ ഹാമ൪¤്രതായിൽ അനിതാ എബ്രഹാമിലൂടെയാണ് കേരളത്തിൻെറ മൂന്നാമത്തെ വെള്ളി പ്രകടനം. 52.75 മീറ്ററാണ് അനിത എറിഞ്ഞത്. 58.27 മീറ്റ൪ എറിഞ്ഞ് രാജസ്ഥാൻെറ മഞ്ജു ബാല സ്വ൪ണം നേടിയപ്പോൾ ഗുജറാത്തിൻെറ സരിതക്ക് വെങ്കലം കിട്ടി. പുരുഷന്മാരുടെ 4x100 മീറ്റ൪ റിലേയിൽ 40.97 സെക്കൻഡ് സമയത്തിനാണ് കേരളം രണ്ടാം സ്ഥാനം നേടിയത്. 40.53 സെക്കൻഡിന് ഫിനിഷ് ചെയ്ത തമിഴ്നാട് വെള്ളി കരസ്ഥമാക്കിയപ്പോൾ ആന്ധ്രപ്രദേശ് മൂന്നാം സ്ഥാനത്തായി. സുജിത്ത് കുട്ടൻ, പി.കെ അനൂപ്, ഷമീ൪ മോൻ, അനുരൂപ് ജോൺ എന്നിവരായിരുന്നു കേരള ടീമിൽ. വനിതകളുടെ 4x100 മീറ്റ൪ റിലേയിൽ 46.79 സെക്കൻഡിന് ഫിനിഷ് ചെയ്ത ആന്ധ്രപ്രദേശ് ടീമിനാണ് സ്വ൪ണം.
പുരുഷ ലോങ് ജംപിൽ 7.42 മീറ്റ൪ ചാടി ക൪ണാടക താരം എം. അ൪ഷാദ് ഒന്നാം സ്ഥാനത്തെത്തി. ക൪ണാടകയുടെ പ്രേം കുമാറും പഞ്ചാബിൻെറ മഹാസിങ്ങുമാണ് തൊട്ടുപിറകിൽ. ഇതിൽ കേരളത്തിന് ഏഴാം സ്ഥാനമേ ലഭിച്ചുള്ളൂ. പുരുഷ ജാവലിൻ ത്രോയിൽ 74.39 മീറ്റ൪ എറിഞ്ഞ് ദൽഹിയുടെ അനിൽ സിങ് സ്വ൪ണ ജേതാവായപ്പോൾ യഥാക്രമം ഹരിയാനയുടെയും രാജസ്ഥാൻെറയും താരങ്ങളായ രജീന്ദ൪ സിങ്ങും സമ൪ജീത് സിങ്ങും രണ്ടും മൂന്നും സ്ഥാനങ്ങളിലെത്തി.
പുരുഷന്മാരുടെ 20 കിലോമീറ്റ൪ നടത്തത്തിൽ 1.29.32 മണിക്കൂറിന് ഫിനിഷ് ചെയ്ത പഞ്ചാബ് താരം സുരീന്ദ൪ സിങ് ജേതാവായി. ഹരിയാനയുടെ സന്ദീപ് കുമാ൪ വെള്ളിയും മധ്യപ്രദേശിൻറെ മണിറാം പട്ടേൽ വെങ്കലവും നേടി.
ആറ് സ്വ൪ണവും അഞ്ച് വെള്ളിയും ഒമ്പത് വെങ്കലവുമാണ് കേരളത്തിൻെറ സമ്പാദ്യം. പുരുഷ വിഭാഗത്തിൽ 55 ഉം വനിതകളിൽ 75 ഉം പോയൻറുമായി ഒന്നാം സ്ഥാനത്ത് കുതിക്കുന്നു. ഇരു വിഭാഗങ്ങളിലുമായി 63 പോയൻറ് നേടി ഉത്ത൪പ്രദേശാണ് രണ്ടാമത്.
തമിഴ്നാടും (54) പഞ്ചാബുമാണ് (53) അടുത്ത സ്ഥാനങ്ങളിൽ.