കച്ചേരി നടക്കാനിരിക്കെ സ്റ്റേജ് തകര്‍ന്ന് ഒരു മരണം

ടൊറന്റോ: കനേഡിയൻ നഗരമായ ടൊറന്റോയിൽ സംഗീതക്കച്ചേരിയുടെ സ്റ്റേജ് തക൪ന്ന് ഒരാൾ മരിച്ചു. മൂന്നുപേ൪ക്ക് പരിക്കുപറ്റി. 'റേഡിയോ ഹെഡ്' എന്ന സംഘം പരിപാടി നടത്താൻ മണിക്കൂറുകൾ മാത്രം ബാക്കിയിരിക്കെയാണ് സ്റ്റേജ് നിലംപൊത്തിയത്. കച്ചേരിയുടെ 40,000 ടിക്കറ്റുകൾ വിറ്റുകഴിഞ്ഞിരുന്നു. ശ്രോതാക്കൾ എത്തിക്കൊണ്ടിരിക്കുന്നതിനിടയിലാണ് സ്റ്റേജ് തക൪ന്നത്.