വാര്‍ഡ് ശുചീകരണം: രണ്ട് ദിവസത്തിനകം റിപ്പോര്‍ട്ട് സമര്‍പ്പിക്കണം

മലപ്പുറം: വാ൪ഡുകളിലെ ശുചീകരണ പ്രവ൪ത്തനങ്ങളും ധനവിനിയോഗവും സംബന്ധിച്ച് രണ്ട് ദിവസത്തിനകം ജില്ലാ കലക്ട൪ക്ക് റിപ്പോ൪ട്ട് നൽകാൻ പഞ്ചായത്ത് ഡെപ്യൂട്ടി ഡയറക്ട൪ക്ക് മന്ത്രി മഞ്ഞളാംകുഴി അലി നി൪ദേശം നൽകി. മഴക്കാലരോഗ നിയന്ത്രണത്തിനും ശുചിത്വ പരിപാലനത്തിനുമായി വിളിച്ചുചേ൪ത്ത യോഗത്തിലാണ് നി൪ദേശം. ശുചീകരണ പ്രവ൪ത്തനങ്ങൾക്ക് വാ൪ഡുകൾക്ക് നൽകിയിരുന്ന 10,000 രൂപ 25,000 ആയി വ൪ധിപ്പിച്ചതായി മന്ത്രി അറിയിച്ചു. 10,000 രൂപ എൻ.ആ൪.എച്ച്.എം ഫണ്ടിൽ നിന്നും 10,000 രൂപ ശുചിത്വ മിഷൻ ഫണ്ടിൽനിന്നും 5000 രൂപ പഞ്ചായത്തുകളുടെ തനത് ഫണ്ടിൽനിന്നുമാണ് ഇതിന് നൽകുക. പൈപ്പ് കമ്പോസ്റ്റ് യൂനിറ്റുകൾക്ക് സ൪ക്കാ൪ നൽകിയിരുന്ന സബ്സിഡി 75 ശതമാനത്തിൽ നിന്ന് 90 ശതമാനമാക്കി ഉയ൪ത്തിയതായും അദ്ദേഹം അറിയിച്ചു. ഇത് സ്ഥാപിക്കാൻ 100 അംഗീകൃത ഏജൻസികളെ തെരഞ്ഞെടുത്തിട്ടുണ്ട്.
സ്കൂൾ പരിസരവും മൂത്രപ്പുരയും ശുചിത്വമുള്ളതാണെന്ന് ഉറപ്പുവരുത്താൻ പ്രത്യേക സ്ക്വാഡ് രൂപവത്കരിച്ച് പരിശോധന നടത്താൻ വിദ്യാഭ്യാസ ഡെപ്യൂട്ടി ഡയറക്ട൪ക്ക് നി൪ദേശം നൽകി. സ്കൂളിൽ കുട്ടികൾക്ക് തിളപ്പിച്ചാറിയ വെള്ളം നൽകാനും ആവശ്യപ്പെട്ടു. ഹോട്ടലുകളിൽനിന്ന് പഴകിയ ഭക്ഷണ സാധനങ്ങൾ പിടിച്ചാൽ ക൪ശന നടപടിയെടുക്കാനും തട്ടുകടകളിൽ കുടിക്കാൻ നൽകുന്ന വെള്ളം പരിശോധിക്കാനും ഫുഡ് ഇൻസ്പെക്ടറോട് നി൪ദേശിച്ചു. മുഴുവൻ കുടിവെള്ള പദ്ധതികൾക്ക് കീഴിലും ജലശുദ്ധീകരണവും കൃത്യമായ രീതിയിൽ ക്ളോറിനേഷനും ഉറപ്പുവരുത്താൻ വാട്ട൪ അതോറിറ്റി അധികൃത൪ക്ക് നി൪ദേശം നൽകി.
മാലിന്യ നിക്ഷേപവുമായി ബന്ധപ്പെട്ട് ജില്ലയിൽ 107 കേസുകൾ എടുത്തിട്ടുണ്ടെന്ന് ജില്ലാ പൊലീസ് സൂപ്രണ്ട് കെ. സേതുരാമൻ അറിയിച്ചു. തിരൂ൪ പുഴയിൽ മാലിന്യം തള്ളിയതുമായി ബന്ധപ്പെട്ട് 14 കേസുകൾ എടുത്തിട്ടുണ്ട്. കഴിഞ്ഞ മാസം മാത്രം 22 കേസുകൾ എടുത്തു. 40 വാഹനങ്ങളാണ് രാത്രി പട്രോളിങ് നടത്തുന്നത്. മാലിന്യ നിക്ഷേപം സംബന്ധിച്ച് പരാതി ലഭിച്ചാൽ ക൪ശന നടപടിയെടുക്കുമെന്നും എസ്.പി അറിയിച്ചു.
പൈപ്പ് കമ്പോസ്റ്റ് യൂനിറ്റ് ആരംഭിക്കുന്നതിൻെറ ഭാഗമായി അംഗീകൃത ഏജൻസികളെ പങ്കെടുപ്പിച്ച് ജില്ലാതല ശിൽപശാല സംഘടിപ്പിക്കുമെന്ന് ജില്ലാ കലക്ട൪ എം.സി. മോഹൻദാസ് അറിയിച്ചു.
മാലിന്യ സംസ്കരണത്തിന് പ്രോജക്ട് സമ൪പ്പിക്കാത്ത പഞ്ചായത്തുകളുടെ പദ്ധതിക്ക് അംഗീകാരം നൽകില്ളെന്ന് ജില്ലാ പഞ്ചായത്ത് പ്രസിഡൻറ് സുഹ്റ മമ്പാട് അറിയിച്ചു. എച്ച്1 എൻ1 സംശയമുള്ളവരുടെ രക്തസാമ്പിൾ പരിശോധനക്ക് അയക്കുന്നതിനുള്ള ചെലവ് ആവശ്യമെങ്കിൽ അനുവദിക്കുമെന്ന് ജില്ലാ മെഡിക്കൽ ഓഫിസ൪ ഡോ. കെ. സക്കീന അറിയിച്ചു.
യോഗത്തിൽ എം.എൽ.എമാരായ പി. ഉബൈദുല്ല, കെ. മുഹമ്മദുണ്ണിഹാജി, എ.ഡി.എം എൻ.കെ. ആൻറണി, വിവിധ വകുപ്പുകളുടെ ജില്ലാതല ഉദ്യോഗസ്ഥ൪, നഗരസഭാ ചെയ൪മാന്മാ൪, ഗ്രാമപഞ്ചായത്ത് പ്രസിഡൻറുമാ൪, തദ്ദേശ സ്വയംഭരണ സ്ഥാപന പ്രതിനിധികൾ എന്നിവ൪ പങ്കെടുത്തു.