ജപ്പാനില്‍ ഓംഷിന്റിക്യോ നേതാവ് അറസ്റ്റില്‍

ടോക്യോ: 1995ൽ ടോക്യോവിൽ നടന്ന വാതക ആക്രമണത്തിൽ പങ്കുണ്ടെന്നു സംശയിക്കുന്ന കാറ്റ്സുയ തകഹാഷി അറസ്റ്റിലായി. ഓംഷിന്റിക്യോ ആത്മീയ സംഘടനയുടെ നേതാവാണിയാൾ. തകഹാഷിയെ ടോക്യോക്കടുത്ത് ഒരു കഫേയിൽ വെച്ചാണ് പിടികൂടിയത്. 13പേ൪ കൊല്ലപ്പെടുകയും ആയിരക്കണക്കിനാളുകൾക്കു പരിക്കേൽക്കുകയും ചെയ്ത വാതകാക്രമണത്തിനുശേഷം തകഹാഷി ഒളിവിലായിരുന്നു. കഴിഞ്ഞയാഴ്ച തകഹാഷി വീടുവിട്ടതിനുശേഷമാണ് പൊലീസ് വൻതോതിൽ അന്വേഷണം തുടങ്ങിയത്. മറ്റൊരു പ്രതിയെന്നു കരുതുന്ന നവാകോ കികൂച്ചി കഴിഞ്ഞയാഴ്ച അറസ്റ്റിലായിരുന്നു. അവരിൽ നിന്നു ലഭിച്ച വിവരത്തിന്റെ അടിസ്ഥാനത്തിലാണ് തകഹാഷിയെ അറസ്റ്റ് ചെയ്തത്.