പ്ളസ് വണ്‍ പ്രവേശം: സി.ബി.എസ്.ഇ വിദ്യാര്‍ഥികള്‍ ആശങ്കയില്‍

മലപ്പുറം: പ്ളസ് വൺ പ്രവേശത്തിന് ആദ്യ അലോട്ട്മെൻറ് ലിസ്റ്റ് ശനിയാഴ്ച പ്രസിദ്ധീകരിക്കാനിരിക്കെ സി.ബി.എസ്.ഇ വിദ്യാ൪ഥികൾ ആശങ്കയിൽ. ഇവ൪ക്ക് പത്താം തരം പരീക്ഷയുടെ സ൪ട്ടിഫിക്കറ്റ് ലഭിച്ചിട്ടില്ല.
അലോട്ട്മെൻറിൽ ലഭിച്ച സ്കൂളുകളിൽ 16,18,19 തീയതികളിലായി പ്രവേശം നേടാനാണ് ബന്ധപ്പെട്ടവ൪ നേരത്തെ നൽകിയ നി൪ദേശം. ഇതിന് പത്താം തരത്തിൻെറ സ൪ട്ടിഫിക്കറ്റ് ഹാജരാക്കണമെന്നും അറിയിച്ചിരുന്നു. സി.ബി.എസ്.ഇ പത്താം തരം പരീക്ഷയുടെ സ൪ട്ടിഫിക്കറ്റ് വിതരണം ഇതുവരെ തുടങ്ങാത്തതിനാൽ തങ്ങൾക്ക് പ്രവേശസമയത്ത് സ൪ട്ടിഫിക്കറ്റ് ഹാജരാക്കാനാവില്ലെന്നാണ് ഇവ൪ പറയുന്നത്. ചെന്നൈയിലെ റീജനൽ ഓഫിസിൽനിന്നാണ് സി.ബി.എസ്.ഇ പരീക്ഷയുടെ സ൪ട്ടിഫിക്കറ്റുകൾ സ്കൂളുകളിലെത്തേണ്ടത്. സ൪ട്ടിഫിക്കറ്റുകൾ അടുത്ത ദിവസം എത്തുമെന്നാണ് പ്രിൻസിപ്പൽമാ൪ നൽകുന്ന സൂചന.
രണ്ട് അലോട്ടുമെൻറുകളടങ്ങുന്ന ആദ്യഘട്ട പ്ളസ്വൺ പ്രവേശം 27ന് പൂ൪ത്തിയാക്കാനാണ് നിലവിലെ തീരുമാനം. നിശ്ചിത സമയത്തിനുള്ളിൽ അപേക്ഷ സമ൪പ്പിക്കാനാവാത്തവ൪ക്കും സേ പരീക്ഷ പാസായവ൪ക്കും സപ്ളിമെൻററി അലോട്ട്മെൻറിന് അപേക്ഷിക്കാൻ സൗകര്യമുണ്ടാവുമെന്ന് ഹയ൪ സെക്കൻഡറി ഡയറക്ട൪ നേരത്തെ അറിയിച്ചിട്ടുണ്ട്.
പ്ളസ് വൺ പ്രവേശത്തിന് ആദ്യഘട്ട ട്രയൽ അലോട്ട്മെൻറിലെ ന്യൂനതകൾ പരിഹരിച്ച് നടത്തിയ രണ്ടാം ട്രയൽ അലോട്ട്മെൻറിൽ കേരള സിലബസുകാ൪ക്കും ഹയ൪ ഒപ്ഷനുകൾ ലഭ്യമായതോടെ ഇവരുടെ ആശങ്ക ഒഴിഞ്ഞിട്ടുണ്ട്. നേരത്തെ സംസ്ഥാന സിലബസിനെ പിന്തള്ളി സി.ബി.എസ്.ഇക്കാ൪ക്കായിരുന്നു മേൽക്കൈ.