പുകപടലം ഗതാഗതത്തിന് ഭീഷണി

പരവൂ൪: ഇഷ്ടികക്കളങ്ങളിൽ നിന്നുള്ള പുക വാഹനഗതാഗതത്തിന് തടസ്സമാകുന്നു.
ചാത്തന്നൂ൪-പരവൂ൪ റോഡിൽ മീനാട് ഭാഗത്താണ് ചൂളകളിൽ നിന്നുയരുന്ന പുകപടലം റോഡിനെ മായ്ക്കുന്നത്. രാവും പകലും ഇത് തുടരുന്നു.ചൂളകൾക്ക് പല ദിവസങ്ങളിലായി തീ കൊടുക്കുന്നതിനാൽ മിക്കപ്പോഴും ഇതാണവസ്ഥ. മേൽക്കൂരയുള്ള ചൂളകളിൽനിന്ന് പുക മുകളിലേക്ക് ഉയ൪ന്നുപോകാത്തതാണ് പ്രശ്നം രൂക്ഷമാക്കുന്നത്. ഇതുമൂലം പലപ്പോഴും ഇവിടെ അപകടങ്ങളുണ്ടായിട്ടുണ്ട്.