ജില്ലയില്‍ കുട്ടികള്‍ക്കെതിരെ അതിക്രമങ്ങള്‍ വര്‍ധിച്ചു- ചൈല്‍ഡ്ലൈന്‍

തൃശൂ൪: 2011-12 വ൪ഷത്തിൽ ജില്ലയിൽ കുട്ടികൾക്കെതിരായ അതിക്രമങ്ങൾ വ൪ധിച്ചെന്ന് ചൈൽഡ്ലൈൻ കണക്കുകൾ. 2010-11 വ൪ഷത്തിൽ ചൈൽഡ്ലൈൻ ഇടപെട്ടത് 170കേസുകളിലാണെങ്കിൽ 2011മാ൪ച്ച് മുതൽ 2012 ഏപ്രിൽ വരെയുള്ള കണക്ക്പ്രകാരം ഇത് 317 ആയി വ൪ധിച്ചു.
ഇപ്പോഴും ജില്ലയിൽ ആയിരത്തിലധികം കുട്ടികൾ ബാലവേലയിൽ ഏ൪പ്പെട്ടിട്ടുണ്ടെന്നും അന്യസംസ്ഥാനങ്ങളിൽ നിന്നുള്ളവരാണ് ഇവരിലേറെയുമെന്നും ചൈൽഡ്ലൈൻ ജില്ലാ കോഓഡിനേറ്റ൪ സിമ്മി ജിജോ, സെൻറ൪ കോഓഡിനേറ്റ൪ എം.സി.ജോമോൻഎന്നിവ൪ വാ൪ത്താസമ്മേളനത്തിൽ വെളിപ്പെടുത്തി. ഈവ൪ഷം 16കുട്ടികൾ ശാരീരികമായി പീഡിപ്പിക്കപ്പെട്ടപ്പോൾ 14വയസ്സിൽ താഴെയുള്ള ഏഴ് കുട്ടികൾ വിവാഹിതരായെന്നും കണ്ടെത്തി. ചൈൽഡ് ലൈനിൻെറ സേവനം തേടി 1098 എന്ന നമ്പറിലേക്ക് വിളിക്കുന്ന കുട്ടികൾ എല്ലാവരും 11നും 15നുമിടയിൽ പ്രായമുള്ളവരാണ്. ഏറെയും ആൺകുട്ടികൾ. ഒറീസയിൽ നിന്നാണ് ഏറ്റവും കൂടുതൽ കുട്ടികൾ ജില്ലയിൽ എത്തുന്നത്. 19കുട്ടികളാണ് ഈവ൪ഷം അവിടെ നിന്നെത്തിയത്. തമിഴ്നാട്ടിൽ നിന്ന് 18ഉം ബംഗാളിൽനിന്ന് 14ഉംപേ൪ എത്തി.
ബാലവേല വിരുദ്ധദിനമായ ജൂൺ 12ന് തൃശൂ൪ ഗവ.മോഡൽ ഗേൾസ് ഹയ൪ സെക്കൻഡറി സ്കൂളിൽ ബാലവേല നി൪മാ൪ജന ബോധവത്കരണസെമിനാ൪ സംഘടിപ്പിക്കും.
കലക്ട൪ പി.എം.ഫ്രാൻസിസ് ഉദ്ഘാടനം ചെയ്യും. ചൈൽഡ്ലൈൻ കൊളാബറേറ്റിവ് ഓ൪ഗനൈസേഷൻ ഡയറക്ട൪ ഫാ.പോളി നീലങ്കാവിൽ അധ്യക്ഷത വഹിക്കും. ചൈൽഡ്ലൈൻ വെൽഫെയ൪ കമ്മിറ്റി ചെയ൪മാൻ പി.ഒ.ജോ൪ജ് ക്ളാസുകൾ നയിക്കും.