ഇന്ത്യന്‍ എംബസി ഓപണ്‍ ഹൗസ് ഇനി എല്ലാ ബുധനാഴ്ചയും

കുവൈത്ത് സിറ്റി: കുവൈത്തിലെ ഇന്ത്യക്കാരുമായി ബന്ധപ്പെട്ട പ്രശ്നങ്ങൾക്ക് വേഗത്തിലും ഫലപ്രദമായും പരിഹാരം കാണുകയെന്ന ലക്ഷ്യത്തോടെ ഇന്ത്യൻ എംബസി ആരംഭിച്ച ഓപൺ ഹൗസ് ഇനി എല്ലാ ആഴ്ചയും നടക്കും. ഓപൺ ഹൗസ് ഇന്ത്യൻ സമൂഹത്തിന് ഏറെ ഉപകാരപ്രദമാവുന്നതായി ബോധ്യമായതിനാൽ ഈ മാസം മുതൽ എല്ലാ ബുധനാഴ്ചകളിലും നടത്താൻ തീരുമാനിച്ചതായി എംബസി അധികൃത൪ അറിയിക്കുകയായിരുന്നു.
ഏറക്കാലത്തെ ഇടവേളക്കുശേഷം ഏപ്രീലിൽ ആരംഭിച്ച ഓപൺ ഹൗസ് മാസത്തിലെ രണ്ടാമത്തെയും നാലാമത്തെയും ബുധനാഴ്ചകളിലാണ് നടന്നുവന്നിരുന്നത്. ജൂണിലെ ഓപൺ ഹൗസ് ആറ്, 13, 20, 27 തിയതികളിൽ നടക്കുമെന്ന് എംബസി പത്രക്കുറിപ്പിൽ വ്യക്തമാക്കി.