റെയില്വെ ഇ-ടിക്കറ്റിങ് നിലവില് വന്നു
text_fieldsറിയാദ്: റെയിൽവേ യാത്രക്കാരുടെ സൗകര്യങ്ങൾ വ൪ധിപ്പിക്കുന്നതിൻെറ ഭാഗമായി റിയാദ്-ദമ്മാം-റിയാദ് റെയിൽവെ ടിക്കറ്റുകൾ തിങ്കളാഴ്ച മുതൽ ഇലക്ട്രോണിക് സംവിധാനത്തിലൂടെ ലഭ്യമായി തുടങ്ങി. ഇതോടെ റെയിൽവേ ടിക്കറ്റുകൾ ബുക്ക് ചെയ്യുന്നതിന് യാത്രക്കാ൪ക്ക് ഈ സംവിധാനം ഉപയോഗപ്പെടുത്താം. ബാങ്ക് വഴിയോ സൗദി റെയിൽവെ വെബ്സൈറ്റ് വഴിയോ ‘സദാദ്’ പ്രോഗ്രാമിലെ 120 എന്ന നമ്പറിലൂടെ പണമടച്ച്് ഇ-ടിക്കറ്റുകൾ ലഭ്യമാക്കാനാകുമെന്ന് റെയിൽവെ പബ്ളിക് റിലേഷൻസ് വകുപ്പു മേധാവി മുഹമ്മദ് ബൂസൈദ് അറിയിച്ചു. ഈ സൗകര്യം രാജ്യത്തെല്ലായിടത്തും ലഭ്യമാക്കിയിട്ടുണ്ടെന്നും അദ്ദേഹം പറഞ്ഞു. റെയിൽവെ യാത്ര സംബന്ധമായ ഏതന്വേഷണത്തിനും വേഗത്തിൽ മറുപടി ലഭിക്കുന്നതിന് ഓട്ടോമാറ്റിക് വോയ്സ് റെസ്പോൺസ് സിസ്റ്റം വഴി സംവിധാനം ഒരുക്കിയിട്ടുള്ളതായും അദ്ദേഹം വ്യക്തമാക്കി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.