സി.ബി.ഐ മുമ്പാകെ ജഗന്‍ വീണ്ടും ഹാജരായി

ഹൈദരാബാദ്: വരവിൽ കവിഞ്ഞ സ്വത്ത് സമ്പാദിച്ച കേസിൽ ചോദ്യംചെയ്യലിനായി കടപ്പ എം.പി വൈ.എസ്. ജഗൻമോഹൻ റെഡ്ഡി സി.ബി.ഐ മുമ്പാകെ ഹാജരായി. ചോദ്യംചെയ്യൽ എട്ടു മണിക്കൂറോളം നീണ്ടതായി സി.ബി.ഐ വൃത്തങ്ങൾ പറഞ്ഞു. ഈ കേസിൽ ആരോപിതരായ വ്യവസായി നിമ്മഗദ്ദ പ്രസാദ്, ആന്ധ്ര അടിസ്ഥാന സൗകര്യ വികസന വകുപ്പ് മുൻ സ്പെഷൽ സെക്രട്ടറി ബ്രഹ്മാനന്ദ റെഡ്ഡി എന്നിവരുടെ സാന്നിധ്യത്തിലായിരുന്നു ചോദ്യംചെയ്യൽ.