സിപിഎം വിട്ട പഞ്ചായത്തംഗത്തിന്‍െറ വീടിനു നേരെ കല്ലേറ്

ചേലക്കര: ലീഗിൻെറ പിന്തുണയോടെ ജയിച്ച പഞ്ചായത്തംഗത്തിൻെറ വീടിനു നേരെ കല്ലേറ്. അഞ്ചാം വാ൪ഡ് അംഗം എ.കെ അഷ്റഫിൻെറ വീടിനു നേ൪ക്ക് വെള്ളിയാഴ്ച അ൪ധ രാത്രിയാണ് കല്ലേറുണ്ടായത്.
രണ്ടു വ൪ഷം മുമ്പ് ഡിവൈഎഫ്ഐ ബ്രാഞ്ച് സെക്രട്ടിയായിരുന്ന അഷ്റഫ് ഭിന്നാഭിപ്രായങ്ങൾ മൂലം പാ൪ട്ടി വിടുകയായിരുന്നു. തുട൪ന്ന് യു.ഡി.എഫ് സ്ഥാനാ൪ത്ഥിയായി ജയിക്കുകയും ചെയ്തു.
കല്ലേറിൽ ഓടൂകൾ തക൪ന്നിട്ടുണ്ട്. വീടിനകത്തും പുറത്തുമായി കല്ലുകൾ ചിതറിക്കിടക്കുകയാണ്. സംഭവത്തിൽ അഷ്റഫ് പോലീസിൽ പരാതി നൽകി.
മേഖലയിൽ കഴിഞ്ഞ ദിവസവും ജനപ്രതിനിധിക്കു നേരെ ആക്രമണം നടന്നിരുന്നു.